ن. نازاربايەۆ شەتەل ينۆەستورلارى كەڭەسىنىڭ كەلەسى وتىرىسىن ەكسپو-2017 الاڭىندا وتكىزۋدى ۇسىندى

استانا. قازاقپارات - بۇگىن ق ر پرەزيدەنتى جانىنداعى شەتەل ينۆەستورلارى كەڭەسىنىڭ 29-وتىرىسىندا ەلباسى نۇرسۇلتان نازاربايەۆ ۇيىمنىڭ كەلەسى مەرەيتويلىق 30-وتىرىسىن ەكسپو-2017 كورمەسى الاڭىندا وتكىزۋگە ۇسىنىس جاسادى.

«قازاقستان ءۇشىن تاياۋ ونجىلدىقتاعى باستى مىندەت دامىعان - 30 ەلدىڭ قاتارىنا كىرۋ ستراتەگيالىق ماقساتىنا قول جەتكىزۋگە مۇمكىندىك بەرەتىن ەكونوميكالىق دامۋدىڭ مۇلدەم جاڭا مودەلىن قۇرۋ. بىزگە جۇيەلى شارالار قابىلداۋ قاجەت، ءبىز ونىمەن اينالىسىپ تا جاتىرمىز. جەكە سەكتوردىڭ باسىمدىق رولىمەن ادامي كاپيتالدى دامىتۋداعى ەلدىڭ باسەكەلەستىكتى باسىمدىعىن بارىنشا پايدالانۋ دا كەرەك شىعار. ءبىز مۇنىمەن اينالىساتىن بولامىز. دەگەنمەن، ءبىز «ەكسپو-2017» اۋماعىندا ورنالاساتىن «استانا» حالىقارالىق قارجى ورتالىعى تاقىرىبىن تالقىلاعاندىقتان كەلەسى وتىرىستى «جاڭا ەنەرگيا» دەپ اتاپ، ونى كورمەنىڭ اشىلۋى كەزىندە سول تەرريتوريادا وتكىزۋدى ۇسىنامىن»، - دەدى ن. نازاربايەۆ.

اۆتور: مارلان جيەمباي