استانادا ەكسپو-2017 كورمەسىنە ەڭ ۇزدىك كادەسىي ونىمىنە رەسپۋبليكالىق كونكۋرس جاريالانادى

 استانا. قازاقپارات - بۇگىن ساعات 11.00-دە ەلورداداعى « كەرۋەن» س و و- دا 1 - رەسپۋبليكالىق « ۇلى دالا كورمە- جارمەڭكەسىنىڭ» اشىلۋ سالتاناتى وتكىزىلەدى. ءىس- شارانىڭ اياسىندا قولونەر بۇيىمدارى مەن كادەسىي ونىمدەرىنىڭ كورمەسى مەن ساتىلىمى جانە ۇلتتىق ەرەكشەلىكپەن جاسالىنعان ساندىك كيىمدەردىڭ كورسەتىلىمى قاراستىرىلعان.

 سونىمەن قاتار بارلىق نيەت بىلدىرۋشىلەر ءۇشىن بەينەلەۋ ونەرى، كيىزبەن جۇمىس ىستەۋ، اعاش ويۋ، سەبەتتەر توقۋ، قىش زاتتار جاساۋ بويىنشا تەگىن شەبەرلىك ساباقتارى وتكىزىلەدى.

بۇل تۋرالى ب ۇ ۇ دامۋ باعدارلاماسىنىڭ قازاقستانداعى وكىلدىگىنىڭ باسپا ءسوز قىزمەتى حابارلادى.

ساندىك كورسەتىلىمدە بەلگىلى قازاقستاندىق ديزاينەرلەر « اسىل ديزاين» ءسان ۇيىنەن ءوزىنىڭ ەكسكليۋزيۆتى توپتاماسىمەن ايدارحان قاليەۆ (تاراز ق.) جانە « تاربيا» قازاقتىڭ ۇلتتىق كيىمىنىڭ ءسان سالونىنىڭ باسشىسى تاربيا ايدىمبايەۆا قاتىسادى.

« ۇلى دالا كورمە- جارمەڭكەسىنىڭ» ماقساتى - حالقىمىزدىڭ قولونەرلىك داستۇرلەرىن ساقتاۋ جانە تانىمالداندىرۋ، سونىمەن قاتار ءوزىنىڭ بۇيىمدارىمەن ەكسپو-2017 كورمەسىنە قاتىسۋعا نيەت بىلدىرگەن قازاقستاننىڭ قولونەر شەبەرلەرىنىڭ الەۋەتىن كورسەتۋ بولىپ تابىلادى. كورمە- جارمەڭكەگە قازاقستاننىڭ بارلىق وڭىرلەرىنەن 70-تەن اسا قولونەرشىلەر قاتىسادى.

1 - رەسپۋبليكالىق « ۇلى دالا كورمە- جارمەڭكەسىندە» «Astana Expo-2017» لوگوتيپىن تاپسىرۋ ءۇشىن ەڭ ساپالى ءونىمدى انىقتاۋ ماقساتىمەن ەكسپو-2017 كورمەسىنە ەڭ ۇزدىك كادەسىي ونىمىنە رەسپۋبليكالىق كونكۋرستىڭ باستالۋى جاريالاناتىن بولادى.

2005 - جىلدان باستاپ ب ۇ ۇ  د ب تۇراقتى تابىستارىن قامتاماسىز ەتۋ ءۇشىن قولونەرشىلەردىڭ شەبەرلىگىن جوعارىلاتۋدا جانە حالىق شىعارماشىلىعىن قايتا جانداندىرۋدا قازاقستاننىڭ وڭىرلەرىندەگى قولونەرشىلەرگە (نەگىزىنەن ايەلدەرگە) بەلسەندى قولداۋ كورسەتتى. كورمە- جارمەڭكەدە قازاقستان رەسرۋبليكاسى ۇكىمەتىنىڭ جانە ب ۇ ۇ بىرلەسكەن باعدارلامالارى جۇزەگە اسىرىلاتىن شىعىس قازاقستان، قىزىلوردا جانە ماڭعىستاۋ وبلىستارىنىڭ اۋماقتارىنداعى جوبالاردىڭ اياسىندا ب ۇ ۇ د ب قولداۋىنا يە بولعان جانە كيىزبەن اينالىساتىن قولونەرشىلەر ەرەكشە ورىنعا يە بولادى دەپ كۇتىلۋدە.

 ءىس- شارانىڭ ۇيىمداستىرۋشىلارى - قازاقستانداعى ب ۇ ۇ دامۋ باعدارلاماسى، «EXPO&WOMEN»  حالىقارالىق ۇيىمى جانە G- Global حالىقارالىق حاتشىلىعى.