ەكسپو-2017 كومپانياسى الەمنەن جاڭا سەرىكتەس تاپتى
مەموراندۋم نەگىزىندە Samsung Electronics Central Eurasia كومپانياسىنا «كورمەنىڭ رەسمي سەرىكتەسى» مارتەبەسى بەرىلدى، دەپ حابارلايدى اتالمىش كومپانيانىڭ باسپا ءسوز قىزمەتى.
«Samsung» الەمگە ايگىلى ترانسۇلتتىق كومپانيا. ول ءوزىنىڭ مىقتى تەحنولوگيالارى، يننوۆاتسيالارىمەن بەلگىلى. سوندىقتان ءبىز ءۇشىن «Samsung» جۇمىس ىستەۋ مارتەبە. كورمەدە بارلىعى جوعارى دەڭگەيدە جۇمىس ىستەۋى قاجەت. بۇل رەتتە، «Samsung» تەحنولوگياسى ۋاقىتپەن تەكسەرىلگەن ساپالى. ءبىز كورمە بارىسىندا الەمدەگى ەڭ ۇزدىك دۇنيەلەردىڭ بارلىعىن كورسەتە الۋىمىز قاجەت. سەرىكتەستەرىمىزدىڭ قاتارى كوبەيگەنىنە قۋانىشتىمىز»، - دەدى ءوز سوزىندە احمەتجان ەسىموۆ.
«البەتتە، ەكسپو-2017 قازاقستان رەسپۋبليكاسى ءۇشىن ماڭىزدى شارالاردىڭ ءبىرى. قازاقستان جاس، قارقىندى دامىپ كەلە جاتقان مەملەكەت. ءارى ءوز ءوڭىرىنىڭ ءسوزسىز ليدەرى. «Samsung» كومپانياسى ءوز سالاسىنىڭ كوشباسشىسى رەتىندە وسىنداي اۋقىمدى شاراعا اتسالىساتىندىعىنا قۋانىشتى. بىرلەسكەن ىنتا- جىگەردىڭ ارقاسىندا كورمەنىڭ ابىرويمەن وتكىزىلەتىندىگىنە سەنىمدىمىن»، - دەدى Samsung Electronics Central Eurasia كومپانياسىنىڭ باس ديرەكتورى يۋن چول ۆۋنگ.
بۇدان ءارى Samsung Electronics Central Eurasia جانە استانا ەكسپو-2017 كومپانيالارى حالىقارالىق مامانداندىرىلعان كورمەنى ىلگەرىلەتۋ بارىسىندا ءبىرقاتار ءىس- شارالار وتكىزۋگە نيەتتى.
سونىمەن قاتار، Samsung Electronics Central Eurasia دەمەۋشىلىك كومەك رەتىندە جەڭىلدىكپەن تاۋار جانە قىزمەتتەر كورسەتەتىن بولادى، كورمەنىڭ الدىن الا كەلىسىلگەن كەيبىر عيماراتتارىن جابدىقتاۋمەن اينالىسادى.
ەسكە سالا كەتسەك، كورمەنى وتكىزۋگە 10 نان اسا ءىرى كومپانيا تارتىلىپ وتىر. ولاردىڭ قاتارىندا: NCOC، Shell, ەير استانا، CISCO، Saint-Gobain, « قازكوممەرسبانك» ا ق، «سامرۇق ەنەرگو» ا ق، «قازپوچتا» ا ق جانە ت. ب. بار. وسى باعىتتا جۇمىستار جالعاسۋدا.
