ەكسپو-2017 كورمەسىندە ارناۋلى قىزمەتتەر مەن قۇقىق قورعاۋ ورگاندارى قاۋىپسىزدىك پەن قۇقىق ءتارتىبىن قامتاماسىز ەتۋى ءتيىس - ەلباسى
بۇل تۋرالى اقوردانىڭ باسپا ءسوز قىزمەتىنەن حابارلادى.
«كورمەدەگى بۇقارالىق شارالار كەزىندە قاندايدا ءبىر كەلەڭسىزدىكتەرگە جول بەرمەۋ ءۇشىن الدىن الۋ شارالارىن قابىلداۋ قاجەت. بۇل شارالاردى بۇگىننەن باستاپ پىسىقتاعان ءجون. ارناۋلى قىزمەتتەر مەن قۇقىق قورعاۋ ورگاندارى قاۋىپسىزدىك پەن قۇقىق ءتارتىبىن قامتاماسىز ەتۋى ءتيىس. ءى ءى م، ۇ ق ك جانە «سىربار» وسى باعىتتاعى ۇيلەسىمدى جۇمىستى جالعاستىرۋعا ءتيىس، ەلوردانىڭ جانە كورمەنىڭ قاۋىپسىزدىگى وسىعان بايلانىستى. قاۋىپسىزدىك كەڭەسىنە وسى ماسەلەنى تۇراقتى باقىلاۋدا ۇستاۋدى تاپسىرامىن»، - دەدى قازاقستان پرەزيدەنتى.
مەملەكەت باسشىسى كورمەگە قاتىسۋشىلار مەن قوناقتارعا قولايلى جاعداي جاساپ، كورمەگە كەلۋدىڭ تىڭعىلىقتى كەستەسىن ازىرلەۋ قاجەتتىگىن ايتتى. نۇرسۇلتان نازاربايەۆ سونداي-اق وزگە باعىتتاردى دا، سونىڭ ىشىندە ەرىكتىلەردى دايىنداۋ، ءوز وتانداستارىمىزدىڭ كورمەگە قولجەتىمدىلىگىن قامتاماسىز ەتۋ جايىن تياناقتى ويلاستىرۋ كەرەكتىگىنە نازار اۋداردى.
قازاقستان پرەزيدەنتى ۇكىمەتكە بارلىق ماسەلەنى ءتيىستى دەڭگەيدە ۇيلەستىرۋدى جانە جۇرگىزىلىپ جاتقان جۇمىستار تۋرالى ۇنەمى بايانداپ وتىرۋدى تاپسىردى.
