يتاليا پرەزيدەنتى «استانا ەكسپو-2017» كورمەسىنىڭ تابىستى وتەتىندىگىنە سەنىم ءبىلدىردى
بۇل تۋرالى «استانا «ەكسپو-2017» ۇ ك» ا ق- نىڭ باسپا ءسوز قىزمەتىنەن حابارلايدى.
جالاۋدى تاپسىرۋ رەسمي ءراسىمىنىڭ بارىسىندا «استانا «ەكسپو-2017» ۇلتتىق كومپانياسى» ا ق باسقارما ءتوراعاسى احمەتجان ەسىموۆ پەن ەكسپو-2017 باس كوميسسارى ءراپىل جوشىبايەۆ ح ك ب باس حاتشىسى ۆيسەنتە لوسسەرتالەس پەن ەكسپو-2015 كورمەسىنىڭ باس كوميسسارى برۋنو پاسكۋينودان ەكسپو جالاۋىن قابىلدادى.
ميلاندا وتكىزىلگەن «ەكسپو-2015» دۇنيەجۇزىلىك كورمەسى كورمەلەردى وتكىزۋ تاريحىنداعى ەڭ تابىستىلاردىڭ ءبىرى بولىپ تانىلدى، وعان شامامەن 21 ميلليون كەلۋشى كەلگەن.
اتالعان كورمەدە قازاقستان رەسپۋبليكاسىنىڭ ۇلتتىق پاۆيلونى «تاقىرىپ پەن كونتەنتتى ەڭ ۇزدىك اشۋ» اتالىمىندا ۇزدىك پاۆيلونداردىڭ ۇشتىگىنە كىردى. ءسوز سويلەۋ بارىسىندا يتاليا رەسپۋبليكاسىنىڭ پرەزيدەنتى سەردجيو ماتارەللا يتالياداعى كورمەنىڭ بارلىق قاتىسۋشىلارىنا العىس ايتىپ، «استانا «ەكسپو-2017» كورمەسىنىڭ تابىستى وتكىزىلۋىنە سەنىمدىلىگىن ءبىلدىردى.
استانا ەكسپو-2017 حالىقارالىق مامانداندىرىلعان كورمەسىن وتكىزۋ ورنى رەتىندە استانا 2012-جىلدىڭ 22- قاراشاسىندا حالىقارالىق كورمەلەر بيۋروسىنىڭ (ح ك ب) 152- باس اسسامبلەياسى كەزىندە ح ك ب- نىڭ مۇشەسى بولىپ تابىلاتىن 161 مەملەكەتتىڭ وكىلىنىڭ جاسىرىن داۋىس بەرۋى بارىسىندا تاڭدالدى. استانا ءوتىنىشىن 103 ەل قولدادى.
«استانا ەكسپو-2017» حالىقارالىق مامانداندىرىلعان كورمەسىنىڭ نەگىزگى تاقىرىبى - «بولاشاق ەنەرگياسى». ول حالىقارالىق قوعامداستىقتىڭ عالامشارعا كوپ اسەرىن تيگىزىپ وتىرعان ەنەرگيانى تۇتىنۋ پروبلەماسىنا الاڭداۋشىلىق تانىتادى. كورمەنىڭ باستى ماقساتى - جاۋاپكەرشىلىككە شاقىرۋ، ادامداردىڭ عالامشارداعى ەنەرگيانى تۇتىنۋدى جوسپارلاۋ جانە قاداعالاۋدى ۇيرەنۋى ءۇشىن پىكىرسايىستاردى ىنتالاندىرۋ جانە ءبىلىمدى قالىپتاستىرۋ، سول ارقىلى تابيعاتقا كەلەتىن زياندى ازايتۋ. اتالعان مىندەتتەردى ىسكە اسىرۋ كورمە تاقىرىبىنىڭ: «ادامزاتتىڭ ۇلى پروبلەماسىن شەشۋ» تاقىرىپشاسىندا كورسەتىلگەن.
كورمەنىڭ باستى تاقىرىبى CО2 شىعارىندىلارىن ازايتۋ، ەنەرگيالىق ءتيىمدى ءومىر سالتى، بارلىعى ءۇشىن ەنەرگيا تاقىرىپشالارىمەن اشىلادى.
حالىقارالىق مامانداندىرىلعان «استانا ەكسپو-2017» كورمەسى قازاقستاندا 2017-جىلى 10- ماۋسىم 10- قىركۇيەك ارالىعىندا وتەدى. ەكسپو-2017 كورمەسىنە 100 ەلدىڭ وكىلدەرى قاتىسادى دەپ جوسپارلانىپ وتىر.
جالپى العاندا، 2 ميلليوننان استام كەلۋشى كۇتىلۋدە، بولجام بويىنشا، ولاردىڭ ءارقايسىسى كورمەگە ەكى نە ودان دا كوپ رەت كەلەدى، وسىلايشا كەلۋشىلەر سانى 5 ميلليونعا جۋىقتايدى. كەلۋشىلەردىڭ 85 پايىزدان استامى قازاقستاندىقتار، ال 15 پايىزى - شەتەلدىك مەملەكەتتەردىڭ ازاماتتارى بولاتىنى، كوبى ت م د جانە قىتاي ەلىنەن كەلەتىنى جوسپارلانىپ وتىر. سونداي-اق ەۋروپا، تۇركيا جانە ا ق ش- تان تۋريستەردىڭ كوپ كەلۋى كۇتىلۋدە.
بۇگىندە «استانا ەكسپو-2017» كورمەسىنە قاتىسۋ بويىنشا 8 كەلىسىم ورناتىلعان، كورمەگە قاتىساتىنىن 51 ەل، 11 حالىقارالىق ۇيىم راستاپ، سەكتسيالاردىڭ 25 كوميسسارى تاعايىندالعان.
قازاقستاننىڭ تۋى ەكسپو مامانداندىرىلعان كورمەسىندە العاش رەت 1998-جىلى ليسسابوندا كوتەرىلدى. بەلسەندى ەكسپونەنت رەتىندە قازاقستان كورمەگە 2005-جىلدان بەرى قاتىسىپ كەلەدى.
