09:24, 26 - قازان 2015 | GMT +5
ەكسپو-2017 نىساندارىنىڭ قۇرىلىسى جوعارىدان ءتۇسىرىلدى - كەسكىن
استانا. قازاقپارات - عالامتور جەلىسىندە EXPO-2017 نىساندارىنىڭ قۇرىلىسىن بيىكتىكتەن تۇسىرگەن ۆيدەو پايدا بولدى.
«ەكسپو -2017 قۇرىلىسىنىڭ بارىسى، استانا، قازاقستان. Astana Kazakhstan. ءبىر نىساننىڭ كادرلارى - 2014-جىلعى قازان، 2015-جىلعى ماۋسىم، 2015-جىلعى قازان»، - دەپ Youtube جەلىسىنە اۆتور Vit W (ۆيتالي پەروۆ) جاريالادى.
«ءۇش جىل بۇرىن 2012-جىلى قازاقستان الەمدەگى ءىرى كورمە EXPO كورمەسىن وتكىزۋگە تاڭداپ الىندى، دەپ ول وقىرماندارىنا كورمە تۋرالى حاباردار ەتەدى. ال قازىر ءبىر جىل وتكەن سوڭ بارلىق نىسانداردىڭ كەسكىندەرى ايقىن كورىنەدى. كەيبىرەۋلەرىنىڭ شاتىرىندا كۇن باتارەيالارى كورىنەدى. مەن بارلىق قۇرىلىس ءوز ۋاقىتىندا اياقتالىپ، قازاقستان بۇكىل الەمگە تانىلادى دەپ ۇمىتتەنەمىن»، - دەيدى Vit W.
