07:54, 22 - قىركۇيەك 2015 | GMT +5
چيلي ەكسپو-2017 كورمەسىنە قاتىسادى
استانا. قازاقپارات - ق ر سىرتقى ىستەر ءمينيسترىنىڭ ءبىرىنشى ورىنباسارى، ەكسپو-2017 حالىقارالىق مامانداندىرىلعان كورمەسىنىڭ كوميسسارى ءراپىل جوشىبايەۆتىڭ لاتىن امەريكاسى ەلدەرىنە جۇمىس ساپارى اياسىندا چيلي سىرتقى ىستەر ءمينيسترى ەرولدو مۋنوس ءوز ەلىنىڭ استانادا وتەتىن ەكسپو-2017 حالىقارالىق كورمەسىنە قاتىسۋعا ىنتالى ەكەنىن جەتكىزدى، دەپ حابارلادى ق ر س ءى م باسپا ءسوز قىزمەتىنەن.
كەزدەسۋدە ەكسپو-2017 حالىقارالىق كورمەسىنە قاتىسۋعا چيلي تاراپىنان جاۋاپتى چيلي س ءى م مەن «PROCHILE» كورپوراتسياسى جاقىن ارادا قازاقستان تاراپىنا رەسمي راستاۋدى جولدايتىنى اتاپ ءوتىلدى.
ق ر س ءى م باسپا ءسوز قىزمەتىنەن حابارلاعانداي، كەزدەسۋ بارىسىندا ءچيليدىڭ سىرتقى ساياسات ۆەدومستۆوسىنىڭ باسشىسىنا قازاقستان پرەزيدەنتى نۇرسۇلتان نازاربايەۆتىڭ چيلي پرەزيدەنتى ميشەل باچەلەتتكە جازىلعان جەدەلحاتى تاپسىرىلدى. وندا ەلباسى ميشەل باچەلەتتى تاۋەلسىزدىك كۇنىمەن قۇتتىقتاعان. سونداي-اق، ق ر پرەمەر-ءمينيسترى كارىم ءماسىموۆتىڭ حاتى تابىس ەتىلدى.
