استانا ەكسپو-2017 ۇ ك توپ- مەنەدجمەنتى ەكى ەسە قىسقارتىلدى
باسقارما ءتوراعاسىنىڭ ورىنباسارلارىنىڭ سانى 5 تەن 3 كە، باسقارۋشى ديرەكتورلار سانى 9 دان 4 كە قىسقاردى.
سونداي-اق ءبىرقاتار دەپارتامەنتتەرگە قاتىستى وزگەرتۋلەر ورىن الدى. ناتيجەسىندە ۇلتتىق كومپانيادا 20 دەپارتامەنتتىڭ ورنىنا 18 دەپارتامەنت جانە «قۇرىلىس ديرەكسياسى» فيليالى جۇمىس ىستەيتىن بولدى.
ا. ەسىموۆ «استانا ەكسپو-2017» ۇ ك- نىڭ قازىرگى قۇرىلىمى ايتارلىقتاي جەڭىلدەتىلگەنىن جانە اتقارىمداردىڭ قوسارلانۋى مەن كوپساتىلىلىعى بولمايتىنىن ەسكەرتتى.
باسقارما ءتوراعاسىنىڭ ءبىرىنشى ورىنباسارى الىشەر پىرمەتوۆتىڭ ايتۋىنشا، جالاقىنىڭ جىلدىق قورى 150 ملن. تەڭگەگە قىسقارتىلعان.
* * *
«استانا ەكسپو-2017» ۇ ك» ا ق 2013 -جىلعى 15 -قاڭتاردا ەكسپو-2017 حالىقارالىق كورمەسىن دايىنداۋ جانە وتكىزۋ ءۇشىن قۇرىلدى. كورمە استانا قالاسىندا 2017 -جىلعى 10 -ماۋسىمنان باستاپ 10 -قىركۇيەك ارالىعىندا وتەدى. كورمەگە 100 مەملەكەت، كەم دەگەندە 10 حالىقارالىق ۇيىم، يننوۆاتسيالىق تەحنولوگيالار سالاسىنداعى 10 كوشباسشى كومپانيا قاتىسادى دەپ جوسپارلانىپ وتىر. جالپى 2 ميلليوننان ارتىق كەلۋشى جانە شامامەن 5 ميلليون قاتىسۋ بولادى دەپ كۇتىلۋدە.
