ن. نازاربايەۆ: «ەكسپو-2017» ۇ ك باسشىسىنا قاتىستى جاعداي مەن ءۇشىن وتە قيىن بولدى

 استانا. قازاقپارات - مەملەكەتتىك قىزمەت سەنىپ تاپسىرىلعان ازاماتتاردىڭ ءوزى وتىرعان بۇتاققا بالتا شاۋىپ، ومىرلەرىن قۇردىمعا جىبەرەتىندىگى وكىنىشتى.

 «حابار» ارناسىنداعى «نازاربايەۆپەن ەڭ باستىلار جايلى.. .» اتتى دەرەكتى سۇحباتتا ەلباسى نۇرسۇلتان نازاربايەۆ وسىلاي دەدى.

«مىنە، «ەكسپو-2017» كومپانياسىنىڭ باسشىسىن ورنىنان تۇسىردىك. بۇل مەن ءۇشىن وتە قيىن جايت بولدى. بارلىعى دا ەكسپو- نى ءجىتى باقىلاپ وتىر. مەن ونى شاقىرىپ الىپ: «مەن ساعان مۇنى تاپسىرامىن ءارى، ونى ءوزىم ءجىتى باقىلاۋعا الامىن! دۇرىس قارا، قارجى مەملەكەتتىكى، ءبىز ۇلتتىق قوردان قارجى جۇمساپ جاتىرمىز»، دەدىم. ونى بارلىعى، ەسەپ كوميتەتى، قارجى پوليتسياسى، ارنايى قۇرىلعان كوميسسيا ءاربىر تيىندى ءجىتى باقىلاپ وتىر»، - دەدى ەلباسى.

وسى رەتتە مەملەكەت باسشىسى كورشى قىتاي ەلىندە قولعا الىنعان جەمقورلىقپەن كۇرەس ماسەلەسىنە نازار اۋدارتتى.

«شي جينپيڭ ءتوراعا بولىپ كەلگەننەن بەرى 100 مىڭ شەنەۋنىك تۇرمەگە قامالدى. ارينە، بىزگە قاراعاندا حالقى كوپ. ءبىراق، پايىزعا شاققاندا بىزبەن پارا- پار. سوندىقتان، اقىلعا كەلگەندەرى دۇرىس، كەلمەسە ماجبۇرلەيتىن بولامىز. وسۋگە مۇمكىندىك بەرگەن، جىلدار بويى تاربيەلەگەن، كۇش- جىگەرىڭدى جۇمساعان، مەملەكەت قارجىسىن سەنىپ تاپسىرعانداردىڭ ءوزى وتىرعان بۇتاققا بالتا شاۋىپ، ءوز ومىرلەرىن قۇردىمعا جىبەرەتىندىگى وكىنىشتى»، - دەدى ەلباسى.

 اۆتور: مارلان جيەمباي