16:05, 01 - شىلدە 2015 | GMT +6
استانادا جەڭىل رەلستى مەترو 2017 - جىلى پايدالانۋعا بەرىلمەك
استانا. قازاقپارات - استانادا جەڭىل رەلستى مەترو 2017 - جىلى پايدالانۋعا بەرىلمەك.
بۇل تۋرالى «استانا LRT» كومپانياسىنىڭ باسشىسى تالعات اردان ءمالىم ەتتى.
«ءبىز استانادا LRT اتتى جوبانى ەنگىزىپ جاتىرمىز، ول جوعارى جىلدامدىقتى تەمىر جول كولىگى، جەڭىل رەلستى مەترو. ول 2017 - جىلى تولىقتاي جۇزەگە اسادى. وعان قالاداعى بارلىق قوعامدىق كولىكتەر باعدارلاناتىن بازالىق جوبا بولادى. اتالمىش نەگىزگى قوعامدىق كولىك تۇرىنە قاراپ، بارلىق اۆتوبۋستاردىڭ جۇمىسى ۇيلەستىرىلەدى»، - دەدى ول.
اۆتور: جاسۇلان جولدىبايەۆ
