ت. ەرمەگيايەۆ: «ەكسپو-2017» كورمەسىن ۇيىمداستىرۋ شارالارىنا ايەلدەر كەڭىنەن جۇمىلدىرىلادى
بۇل تۋرالى بۇگىن اقوردادا ق ر مەملەكەتتىك حاتشىسى - پرەزيدەنت جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆامەن ىنتىماقتاستىق تۋرالى مەموراندۋمعا قول قويعان «استانا ەكسپو-2017» ۇلتتىق كومپانياسى» باسقارماسىنىڭ ءتوراعاسى تالعات ەرمەگيايەۆ ايتتى.
«مەنىڭشە، ارنايى جۇمىس توبىن قۇراتىن بولامىز جانە ۇجىمىندا ايەلدەر قاۋىمى باسىم قانداي كومپانيالاردىڭ جۇمىس ىستەيتىندىگىن، قانداي قىزمەتتەر ۇسىناتىندىعىن ناقتىلايمىز. جالپى، بۇگىن ءبىز وتە ماڭىزدى قۇجاتقا قول قويدىق. ەندى الداعى ۋاقىتتا ءاربىر جوباعا قازاقستاندىق ايەلدەر بارىنشا كوپتەپ تارتىلاتىن بولادى»، - دەدى ت. ەرمەگيايەۆ مەموراندۋمعا قول قويۋ راسىمىنەن كەيىن.
ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ل. سۇلەيمەننىڭ اتاپ وتۋىنشە، بۇگىنگى قول قويىلعان قۇجاتتىڭ باستى ماقساتى - قازاقستان ايەلدەرىنىڭ الەۋەتىن «ەكسپو» حالىقارالىق كورمەسىن ۇيىمداستىرۋعا جانە وتكىزۋگە كەڭىنەن پايدالانۋ.
اۆتور: مارلان جيەمباي
