19:42, 07 - مامىر 2015 | GMT +5
قىتاي ەكسپو-2017 كورمەسىنىڭ تابىستى وتۋىنە قولداۋ كورسەتەدى
استانا. قازاقپارات - قىتاي قازاقستاننىڭ «استانا ەكسپو-2017» حالىقارالىق كورمەسىن تابىستى وتكىزۋىنە قولداۋ كورسەتەدى.
بۇل تۋرالى بۇگىن اقوردادا ەلباسى نۇرسۇلتان نازاربايەۆ پەن استاناعا رەسمي ساپارمەن كەلگەن ق ح ر ءتوراعاسى شي جينپيننىڭ كەلىسسوزدەرى قورىتىندىسىندا ءمالىم بولدى.
اتاپ ايتقاندا، جوعارى جانە يننوۆاتسيالىق تەحنولوگيالار ءرولىنىڭ ارتىپ كەلە جاتقانىن نازارعا الا وتىرىپ، تاراپتار عىلىم مەن تەحنيكا، بالاما ەنەرگەتيكا، «جاسىل ەكونوميكا» سالالارىنداعى ىنتىماقتاستىقتى ودان ءارى تەرەڭدەتۋ قاجەت ەكەنىن اتاپ ءوتتى.
سونىمەن قاتار، كەلىسسوزدەر بارىسىندا ەكى جاق تا ەنەرگەتيكالىق، قارجى-ينۆەستيتسيا، كولىك-لوگيستيكا، اۋىل-ورمان شارۋاشىلىعى جانە باسقا دا سالالارداعى ىنتىماقتاستىقتى جالعاستىرۋعا مۇددەلى ەكەنى ايتىلدى.
اۆتور: رۋسلان عابباسوۆ
