جاستار ەكسپو-2017 كورمەسىنە ءوز جوبالارىن ۇسىنۋدا
كورمە كەزىندە 20 دان استام ءتۇرلى تەحنيكا مەن تىڭ تەحنولوگيالار تانىستىرىلعان. ولاردىڭ اراسىندا «جاسىل ەكونوميكا» مەن «ءداستۇرلى ەمەس ەنەرگيا كوزدەرى»، «اۋىل شارۋاشىلىعى قالدىقتارىنان بيوگاز ءوندىرۋ» جانە «لاس سۋلاردى تازالاۋعا ارنالعان ارنايى فيلتر» سىندى قازىرگى ۋاقىتتا ناعىز قاجەتتى يدەيالار بار. سونداي تىڭ يدەيالاردىڭ ءبىرى - جاس عالىم ايدار اۋباكىر ۇلىنىڭ بيوگاز وندىرەتىن قوندىرعىسى كورمەگە كەلۋشىلەردىڭ زور قىزىعۋشىلىعىنا يە بولدى.
«8 يننوۆاتسيالىق پاتەنتىمىز بار جانە 4 لابوراتوريالىق قوندىرعىلار ورناتىلدى. سول قوندىرعىلار ارقىلى عىلىمي زەرتتەۋلەر جۇرگىزىلدى. بۇل كورمەنىڭ ءبىزدىڭ جاستارىمىزعا، ونەرتاپقىشتارىمىزعا پايداسى وتە زور. ياعني جاستارمىزدىڭ بولاشاققا دەگەن كوزىن اشۋعا مۇمكىندىك جاساپ، بولاشاققا ۇمتىلىستارىن بىلدىرەدى»، دەپ كورمەدەن العان اسەرىمەن ءبولىستى جاس عالىم ايدار اۋباكىر ۇلى.
