14:05, 19 - ماۋسىم 2014 | GMT +5
ەلباسى وڭتۇستىك كورەيالىق كومپانيالاردى «ەكسپو-2017» كورمەسىنە بەلسەندى قاتىسۋعا شاقىردى
استانا. قازاقپارات - بۇگىن اقوردادا كورەيا رەسپۋبليكاسىنىڭ پرەزيدەنتى پاك كىن حەمەن كەلىسسوزدەردەن كەيىنگى بىرلەسكەن مالىمدەمەدە ەلباسى نۇرسۇلتان نازاربايەۆ وڭتۇستىككورەيالىق كومپانيالاردى «ەكسپو-2017» كورمەسىنە بەلسەندى قاتىسۋعا شاقىردى.

مەملەكەت باسشىسى كورەيا رەسپۋبليكاسىنىڭ پرەزيدەنتىمەن كەلىسسوزدەر بارىسىندا كورەيالىق بيزنەستىڭ ءۇ ي ي د مەملەكەتتىك باعدارلاماسىنا قاتىسۋى ماسەلەسى تالقىلانىپ، تاراپتار «تەحنولوگيالاردى رەسۋرستارعا ايىرباستاۋ» فورمۋلاسى بويىنشا ىنتىماقتاسۋعا مۇددەلىلىكتى ناقتىلاعانىن اتاپ ءوتتى.
«ءبىز «ەكسپو-2017» كورمەسىنە بەلسەندى تۇردە قاتىسۋ ءوتىنىشىن جاسادىق جانە وسى باعىتتا الدىڭعى قاتارلى كومپانيالار جاڭا زەرتتەۋ ورتالىقتارىن قۇرۋ ءۇشىن جاعداي جاساۋعا كومەكتەسەر ەدى» ، - دەدى ن. نازاربايەۆ.
اۆتور: رۋسلان عابباسوۆ