ەكسپو-2017 كورمەسىنە قاتىساتىنىن 96- مەملەكەت بەلگىلى بولدى

استانا. قازاقپارات - 2016 -جىلعى 8 -تامىزدا بانگكوك قالاسىندا «ەكسپو-2017» حالىقارالىق مامانداندىرىلعان كورمەسىنىڭ كوميسسارى ءراپىل جوشىبايەۆتىڭ تايلاند كورولدىگىنىڭ «ەكسپو-2017» كورمەسىندە ۇلتتىق سەكتسيا كوميسسارى، تايلاندتىڭ ەنەرگەتيكا مينيسترلىگىنىڭ تۇراقتى حاتشىسى ارەەپونگ بحووچاووممەن، ب ۇ ۇ باس حاتشىسىنىڭ ورىنباسارى - ب ۇ ۇ ازيا مەن تىنىق مۇحيتىنا ارنالعان ەكونوميكالىق جانە الەۋمەتتىك كوميسسياسىنىڭ (از ت م ە ا ك) اتقارۋشى حاتشىسى شامشاد احتارمەن، سونىمەن قاتار ىسكەرلىك توپتارمەن جانە جەتەكشى ب ا ق وكىلدەرىمەن كەزدەسۋى ءوتتى.
None
None

ق ر س ءى م- نىڭ باسپا ءسوز قىزمەتىنىڭ حابارلاۋىنشا، كەزدەسۋ بارىسىندا تاراپتار قازاقستاندىق- تاي ەكىجاقتى ەكونوميكالىق جانە ەنەرگەتيكالىق ىنتىماقتاستىق ماسەلەلەرىن، سونىمەن قاتار تايلاندتىڭ «ەكسپو-2017» كورمەسىنە قاتىسۋىن تالقىلادى. ر. جوشىبايەۆ حالىقارالىق قاتىسۋشىلاردى تارتۋ بويىنشا اتقارىلىپ جاتقان جۇمىس پەن «ەكسپو-2017» كورمەگە دايىندىق بارىسى تۋرالى حابارلادى. ءوز كەزەگىندە، ا. بحونچاووم مىرزا تايلاندتىڭ قاتىسۋىن راستاپ، ەل «جاسىل» ەكونوميكا مەن جاڭعىرتىلاتىن ەنەرگيا سالاسىنداعى ەڭ ۇزدىك ازىرلەنىمدەرىن ۇسىنۋدى كوزدەپ وتىر.

تايلاند 2021 -جىلعا دەيىن جاڭارتىلاتىن جانە بالاما ەنەرگيا كوزدەرىنىڭ جالپى تۇتىنۋداعى ۇلەسىن %25 عا دەيىن ۇلعايتۋدى كوزدەيدى. تايلاندتىڭ بيوماسسانى دامىتۋ مەن پايدالانۋدا تاجىريبەسى مول جانە بيوماسسانى ەنەرگياعا اينالدىرۋ بويىنشا ازيا- تىنىق مۇحيتى وڭىرىندەگى جەتەكشى پوزيتسيانى ساقتاپ قالۋدى جوسپارلاپ وتىر.

سونىمەن قاتار، تاراپتار قازاقستان مەن تايلاند اراسىندا ديپلوماتيالىق قاتىناستار ورناۋىنىڭ 25  جىلدىعىندا ەكسپو الاڭى جوعارى دەڭگەيدەگى ەكىجاقتى بايلانىستار مەن قاتىناستارعا قوسىمشا سەرپىن بەرەتىنىنە سەنىم ارتتى. بۇل تۇرعىدا، تايلاند كورولى وتباسى مۇشەسىنىڭ «ەكسپو-2017» كورمەسىندەگى تايلاند ۇلتتىق كۇنىن وتكىزۋ شەڭبەرىندە استاناعا ساپارىن ۇيىمداستىرۋ مۇمكىندىگى قاراستىرىلدى.

كەزدەسۋ قورىتىندىسى بويىنشا تاراپتار تايلاند سەكتسياسىنىڭ كوميسسارى ا. بحونچاوومنىڭ اعىمداعى جىلعى 19 -تامىزدا استاناعا تايلاندتىڭ «ەكسپو-2017» كورمەسىنە قاتىسۋ شارتىنا قول قويۋ ماقساتىندا ساپارىن ۇيىمداستىرۋ تۋرالى ۋاعدالاستىققا قول جەتكىزدى.

تايلاند «ەكسپو-2017» كورمەسىنە قاتىسۋىن رەسمي تۇردە راستاعان 96- مەملەكەت بولدى. تايلاند پاۆيلونىنىڭ كولەمى 700 م. كۆ. شاماسىندا. تايلاند سوڭعى جىلدارداعى ەكسپو-نىڭ بارلىق كورمەلەرىنە، ونىڭ ىشىندە گاننوۆەر-2000، ايتي-2005، ساراگوسا-2008، شاڭحاي-2010، يوسۋ-2012، ميلان-2015 قاتىستى.

از ت م ە ا ك شتاب- پاتەرىندە ر. جوشىبايەۆتىڭ شامشاد احتارمەن كەزدەسۋ بارىسىندا تاراپتار ازتمەاك- ءتىڭ كورمەگە قاتىسۋ شارتتارى مەن «جاسىل» ەكونوميكا سالاسىنداعى ىنتىماقتاستىق جولدارىن تالقىلادى.

ر. جوشىبايەۆ «ەكسپو-2017» كورمەسىنە دايىندىق بارىسى، حالىقارالىق قاتىسۋشىلاردى تارتۋ تۋرالى حابارلاپ، حالىقارالىق ۇيىمداردىڭ قاتىسۋىنىڭ جوعارى ماڭىزدىلىعىن اتاپ ءوتتى.

از ت م ا ە ك اتقارۋشى حاتشىسى ش. احتار از ت م ا ە ك- نىڭ «ەكسپو-2017» كورمەسىنە قاتىسۋى مەن «جاسىل» ەنەرگەتيكا سالاسىنداعى ىنتىماقتاستىقتى تالقىلادى. ش. احتار حانىم كورمەدە ازيا مەن تىنىق مۇحيتى ەنەرگەتيكالىق پورتالىن، تۇراقتى ەنەرگەتيكا بويىنشا جوبالارىن جانە «جاسىل» تەحنولوگيالار سالاسىندا ونلاين ترەنينگتەر ۇسىناتىن ارنايى سايد- يۆەنت ۇيىمداستىرۋدى ۇسىندى. سونىمەن قاتار، قازاقستان پرەزيدەنتى نۇرسۇلتاننازاربايەۆتىڭ بۇۇ باس اسسامبلەياسىنىڭ 70- سەسسياسى بارىسىندا ەكسپو نەگىزىندە «جاسىل تەحنولوگيالار مەن ينۆەستيتسيالىق جوبالاردى» دامىتۋ جونىندەگى ب ۇ ۇ حالىقارالىق ورتالىعىن قۇرۋ باستاماسىنىڭ ماڭىزدىلىعىن ەرەكشە اتاپ ءوتتى. كەزدەسۋ قورىتىندىسى بويىنشا ازتماەك ۇيىمى اتالعان ورتالىق قۇرۋدا كومەك كورسەتۋگە دايىن ەكەنىن جەتكىزدى.

تايلاندتىق ەنەرگەتيكالىق جانە تۋريستىك كومپانيالاردىڭ باسشىلارىمەن كەزدەسۋ بارىسىندا «ەكسپو-2017» كورمەسىن وتكىزۋ كەزەڭىندە ءوز مۇمكىندىكتەرىن ۇسىنۋدا ىسكەرلىك توپتاردىڭ جوعارى مۇددەلىلىگى بايقالدى. سونداي- اق، تايلاندتىڭ تۋروپەراتورلارمەن ىنتىماقتاستىقتىڭ دامىتۋ جانە جەرگىلىكتى تۋريستەردى كورمەگە تارتۋ قاراستىرىلدى.

ساپار قورىتىندىسى بويىنشا، «ەكسپو-2017» كورمەسىنىڭ كوميسسارى كورولدىكتىڭ جەتەكشى باق وكىلدەرىنە - «Bangkok Post»، «Radio Thailand» جانە «TNN 24» سۇحبات بەردى.

 

سوڭعى جاڭالىقتار