الماتىداعى ۋنيۆەرسيادا-2017 ويىندارىنىڭ قاۋىپسىزدىگىن 6500 قىزمەتكەر قامتاماسىز ەتەدى

بۇل تۋرالى بۇگىن 12 مىڭ ورىندى مۇز سارايىندا 28- قىسقى ۋنيۆەرسيادانى دايىنداۋ جانە وتكىزۋ جونىندەگى ۇيىمداستىرۋ كوميتەتىنىڭ كەزەكتى وتىرىسىندا الماتى قالاسىنىڭ اكىمى باۋىرجان بايبەك مالىمدەدى. وتىرىسقا ۇيىمداستىرۋ كوميتەتىنىڭ ءتورايىمى داريعا نازاربايەۆا جانە قر مادەنيەت جانە سپورت ءمينيسترى ارىستانبەك مۇحامەدي ۇلى قاتىستى.
«قازىرگى تاڭدا ق ر ۇ ق پ، باس پروكۋراتۋرا، الماتى اكىمدىگى بىرلەسە وتىرىپ، قاۋىپسىزدىكتى لايىقتى دەڭگەيدە قامتاماسىز ەتۋ بويىنشا ءتيىستى شارالاردى قابىلداپ جاتىر. سونىمەن، ۋنيۆەرسيادا قاۋىپسىزدىگىن 6500 قىزمەتكەر قامتاماسىز ەتەتىن بولادى. جەرگىلىكتى بيۋدجەتتەن سول قىزمەتكەرلەردىڭ كۇن سايىن ەكى رەتتەن تاماقتانۋىنا - 150 ميلليون تەڭگە، سونداي-اق، جارىلعىش زاتتاردى انىقتاۋعا ارنالعان قول دەتەكتورلارىن ساتىپ الۋعا ىشكى ىستەر دەپارتامەنتىنە - 222 ميلليون تەڭگە ءبولىندى»، - دەدى ب. بايبەك.
قالادا كۇنى بۇگىنگە دەيىن 837 بەينەباقىلاۋ كامەرالارى ورناتىلعان. ولارعا قوسىمشا تاعى دا 1220 بەينەباقىلاۋ كامەرالارى ورناتىلاتىن بولادى. ۋنيۆەرسيادا-2017 ويىندارىنىڭ قاۋىپسىزدىگىن قامتاماسىز ەتۋگە سونىمەن قاتار 8 كۇزەت فيرماسى تارتىلدى.
اۆتور: ايبوتا جاپپاربەرگەن