پاۆلوداردا 2017-جىلى ەۋرو-5 ساپالى بەنزينى شىعارىلا باستايدى

استانا. قازاقپارات - پاۆلودار مۇناي-حيميا زاۋىتىندا جاڭعىرتۋ اياقتالىپ، ءوندىرىس بۇگىنگى كۇنى شىعارىپ جۇرگەن بەنزيننىڭ ساپاسىن ەۋرو-5 كە دەيىن جەتكىزبەك، دەپ حابارلايدى pavlodarnews.kz.

وبلىس اكىمى بولات باقاۋوۆ پاۆلودار مۇناي-حيميا زاۋىتىنىڭ جاڭعىرتىلۋى بويىنشا جۇمىس بارىسىمەن تانىسىپ قايتتى. جوبانىڭ قالاي ىسكە اسىپ جاتقانى جايلى ايماق باسشىسىنا «پ م ح ز» ج ش س- ءنىڭ باس ديرەكتورى شۇحرات دانباي بايانداپ بەردى.

2011-جىلى پ م ح ز- دا يندۋستريالاندىرۋ كارتاسى اياسىندا قوزعاۋشى وتىننىڭ ەكولوگيالىق تازا ءتۇرىن شىعارۋعا باعىتتالعان جوبا باستاۋ الدى. جاڭعىرتۋعا 183,4 ملرد تەنگە جۇمسالعان. كاسىپورىن الداعى ۋاقىتتا مۇناي ءوندىرۋدى 90 پايىزعا دەيىن ۇلعايتىپ، زاۋىتتا شىعارىلاتىن ءونىمنىڭ ساپاسىن ەۋرو-5 دەڭگەيىنە دەيىن جەتكىزبەكشى. جوبانىڭ ارقاسىندا وندىرىسكە ەنەرگيا ۇنەمدەۋىش پەن ەكولوگيالىق تازا تەحنولوگيا ەنگىزىلەدى. بۇگىنگى كۇنى قۇرىلىس ۋچاسكەسىندە جول استى قۇبىرلارىن وتكىزۋ جۇمىسى 88 پايىزعا اياقتالدى. سونداي-اق، 3566,46 توننا مەتالل قۇراستىرىلىمى جيناستىرىلدى. سونىمەن قاتار، يزومەريزات ساقتالاتىن بەس مىڭ تەكشەلىك ەكى رەزەرۆۋاردىڭ قۇرىلىسى جالعاسۋدا. بۇعان 105,76 توننا بەتون سۇيىقتىعى جۇمسالدى.