جىل سوڭىنا دەيىن ەكسپو-2017 كورمەسىنە قاتىسۋعا تاعى 30 ەل كەلىسىمىن بەرۋى ىقتيمال

استانا. قازاقپارات - جىل سوڭىنا دەيىن ەكسپو-2017 كورمەسىنە قاتىسۋعا تاعى 30 ەل كەلىسىمىن بەرۋى ىقتيمال.

بۇل تۋرالى بۇگىن ورتالىق كوممۋنيكاتسيالار ورتالىعىندا ق ر سىرتقى ىستەر مينيسترىنىڭ ورىنباسارى - ەكسپو-2017 حالىقارالىق كورمەسىنىڭ كوميسسارى ءراپىل جوشىبايەۆ ءمالىم ەتتى.

«ەكسپو-2017 كوميسسارى رەتىندە قازاقستانعا كەلۋشى ەلدەردى تارتۋ بويىنشا جۇمىستاردى اتقارۋدامىز. قازىرگى كەزدە 30 مەملەكەت پەن 4 حالىقارالىق ۇيىم ءوزىنىڭ كەلىسىمىن بەردى. بۇگىندە 8 مەملەكەت وزدەرىنىڭ كوميسسارلارىن تاعايىندادى. ەندى وسى جىلدىڭ اياعىنا شەيىن تاعىدا 30 مەملەكەتتى ارالاپ، ولاردىڭ كەلىسىمىن الۋ جوسپاردا بار»، - دەيدى ر. جوشىبايەۆ.

اۆتور: جاسۇلان جولدىبايەۆ