ەكسپو-2017: ساعاتىنا 1300 شاقىرىم جۇرەتىن پويىزدىڭ جوباسى تانىستىرىلدى
كورمەنىڭ جابىلۋ سالتاناتىنىڭ رەسمي بولىگىندە الىپ ەكرانداردان «ەكسپو» كورمەلەرىنىڭ تاريحى كورسەتىلدى. سونداي-اق وندا ادامزات بالاسىنىڭ جەتكەن جەتىستىكتەرى، اتاپ ايتقاندا اۆتوكولىكتەن باستاپ، قولىمىزداعى سمارتفوندارعا دەيىنگى ۇزدىك تەحنولوگيالاردىڭ تاريحىنان سىر شەرتىلدى.
ۇيىمداستىرۋشىلار جاس ۇرپاقتىڭ بۋىنى رەتىندە بالانى سوڭعى تەحنولوگيالارمەن بەزەندىرىلگەن ساحناعا شىعارىپ، جاس بۋىننىڭ كوزىمەن كەلەشەكتەن حابار بەرەدى. كوركەم قويىلىمدا الىپ ەكران ارقىلى كۇن جانە جەل كۇشىمەن بىرگە، سۋ استىنداعى بالدىرلاردان دا ەنەرگيا ءوندىرۋدىڭ تەحنولوگياسى كورسەتىلدى. سونداي- اق، 21- عاسىردىڭ كرەاتيۆتى جوباسى - بولاشاقتىڭ ۆاكۋمدى پويىزىنىڭ جوباسى تانىستىرىلدى. ساعاتىنا 1300 شاقىرىمعا جۇرەتىن كەلەشەكتىڭ كولىگىنىڭ جوباسىنىڭ اۆتورى - اتاقتى امەريكالىق ونەرتاپقىش يلون ماسك.
پويىزدىڭ سىناعى ا ق ش- تا وتكىزىلگەن. قازىرگى ۋاقىتتا ونى ىسكە اسىرۋ جوباسى قولعا الىنىپ جاتىر. بۇل پويىز كەلەشەكتە الماتى مەن استانا ارالىعىن 45 مينۋتتا ءجۇرىپ وتەدى. شارادا سونداي-اق، ءار ادامنىڭ قادامىنان وندىرىلەتىن قۋات كوزىنىڭ، وسىمدىكتەردەن وندىرىلەتىن ەنەرگيانىڭ جوباسى كورسەتىلدى.
ۇيىمداستىرۋشىلار قويىلىم ارقىلى قاراپايىم گۇلدىڭ سمارتفوندى قۋاتتاي الاتىنىن كورسەتكەن. دەمەك، قورشاعان ورتا ەنەرگيانىڭ كوزىنە اينالادى. تەرەزەڭىزدەگى گۇلىڭىز ءۇيدىڭ كوركىنە اينالىپ قانا قويماي، ۇيىڭىزگە جارىق بەرە الادى.
ەكولوگيالىق تازا ەنەرگيالار قورشاعان ورتا ارقىلى ارنايى قويماعا جينالىپ، حالىققا قىزمەت ەتپەك. ەسكە سالا كەتسەك، «ەكسپو-2017» حالىقارالىق كورمەسىنىڭ سوڭعى كۇنى كورمە اۋماعىندا ايتۋلى شارالار لەگى ۇيىمداستىرىلادى.
ءدال وسى كۇنى كورمە بيلەتتەرىنىڭ ساتىلىمى توقتالىپ، پاۆيلوندار جابىلادى. كەشقۇرىم ەسترادا جۇلدىزدارىنىڭ قاتىسۋىمەن سالتاناتتى كونسەرت وتەدى. «استانا ەكسپو-2017» ۇ ك» ا ق باسپا ءسوز قىزمەتىنىڭ حابارلاۋىنشا، 1-0 ماۋسىمنان 9- قىركۇيەككە دەيىنگى ارالىقتا ەكسپو-2017 حالىقارالىق مامانداندىرىلعان كورمەسىنە 3860000 ادام كەلگەن.
