ەكسپو-2017 كورمەسىنە 10 مىڭعا جۋىق ادام قىزمەت كورسەتەدى
بۇل تۋرالى بۇگىن باسپا ءسوز ءماسليحاتىندا «استانا ەكسپو-2017» ۇلتتىق كومپانياسىنىڭ كوممەرتسيالاۋ دەپارتامەنتى ديرەكتورىنىڭ ورىنباسارى يليا ورازاقوۆ ءمالىم ەتتى.
«پاۆيلوندارعا، شەتەلدىك دەلەگاتسيالارعا جانە كورمەدەگى باسقا دا شارالارعا قىزمەت كورسەتۋگە كەلەتىن قىزمەتكەرلەر ايتارلىقتاي كوپ بولدى. ءبىزدىڭ ەسەپتەۋلەر بويىنشا 5 مىڭنان 10 مىڭعا دەيىن ادام بولادى. وسى رەتتە قىزمەت ەتەتىن ادامدار كورمە اۋماعىندا تۇراقتى جۇمىس ىستەيدى. ارينە، ءبىز سونىمەن بىرگە ۇلتتىق كومپانيانىڭ دا قىزمەتكەلەرىن قامتىپ وتىرمىز»، - دەدى ول.
ونىڭ سوزىنە قاراعاندا، كورمەنىڭ جالپى اۋماعى 174 گەكتاردى قۇراپ وتىر. وندا ەكسپو- قالاشىق جوباسى جۇزەگە اسىرىلۋدا. الدىن الا جوسپار بويىنشا وندا 10 مىڭعا دەيىن ادام ورنالاسپاق.
بۇل رەتتە اتالعان جوباداعى باسپانانىڭ 70 پايىزى قىزمەت كورسەتۋ باعىتتارىندا جۇمىس ىستەيتىندەرگە بولىنەدى جانە تەك 30 پايىزىنا كورمەنىڭ قوناقتارى ورنالاسادى.
ايتا كەتەيىك، كورمە الداعى جىلدىڭ ماۋسىمىندا باستالىپ، ءۇش ايعا جالعاسادى. بۇگىندە 103 مەملەكەت وزدەرىنىڭ قاتىساتىنىن ناقتىلادى، وسى ورايدا كەلىسىمدەردى بەكىتۋ جىلدىڭ سوڭىندا اياقتالادى.
