شىعىس قازاقستاندىق ازامات «ەكسپو-2017» كورمەسىنە 100 مىڭ اسىق تارتۋ ەتپەك
ول حالىقارالىق كورمەدە ۇلتتىق قۇندىلىعىمىزدى وسىلايشا دارىپتەۋدى ءجون ساناپ وتىر. بۇگىندە ونىڭ قورجىنىندا 45 مىڭنان استام اسىق بار. اۋەسقويدىڭ بۇل ەڭبەگى ەش كەتكەن جوق.
بىلتىر بولات تاعاباي ۇلتتىق ويىن ءتۇرىن ناسيحاتتاۋشى جانە الەمدەگى ەڭ اسىعى كوپ ازامات رەتىندە گيننەستىڭ رەكوردتار كىتابىنا ەندى.
كوللەكتسيونەر تەك ءتورت تۇلىكتىڭ عانا ەمەس تاۋەشكى، ارقار مەن قۇلجانىڭ دا اسىعىن جيناعان. باستاپقىدا مۇنىمەن ءوزى عانا اينالىسسا، قازىر اۋىل تۇرعىندارى دا اتسالىسا باستاپتى. ەندى ول 2017-جىلعا دەيىن اسىقتىڭ سانىن 100 مىڭعا جەتكىزۋدى جوسپارلاپ وتىر.
وسىلايشا، كورمە كەزىندە اسىقپەن وينايتىن ۇلتتىق ويىنىمىزدىڭ ءتۇر-ءتۇرىن شەتەلدىكتەرگە ناسيحاتتاماق.
بولات تاعاباي، اۋەسقوي اسىق جيناۋشى:
- «ەكسپو-2017» كورمەسىنە ەكسپونات رەتىندە كورسەتىپ ءبىر ەرەكشە ۇلتتىق، قازاقتىڭ اسىعىن ناسيحاتتاۋ جونىندەگى ەرەكشە نارسە جاساسام دەپ وتىرمىن. ەندى ول سول كەزگە تامان 100 مىڭعا تامان بولىپ قالادى دەپ وتىرمىن. كورمەگە ۇسىنۋ جوسپارى بار.
www.24.kz
