الماتى تۋرى - 2016 ۆەلوجارىسى باستالدى - فوتو، كەسكىن
«الماتى تۋرى - 2016» ۆەلوشاباندوزدارى ءال-فارابي داڭعىلى بويىمەن جارىسا وتىرىپ، مۇستافين كوشەسىمەن ءوتىپ، شىعىس اينالما جولىنان كەرى بۇرىلىپ، تالعار باعىتىنا تۇسەدى. ءبىر اينالىم قاشىقتىعى 31 شاقىرىم. جارىس جولىنىڭ جالپى قاشىقتىعى 186 شاقىرىم.
«الماتى تۋرىنىڭ» تۋرىنىڭ باستى فاۆوريتى استانا كاسىپقوي ۆەلوكومانداسى جانە ونىڭ كاپيتانى، «الماتى تۋرىنىڭ» ەكى مارتە جەڭىمپازى الەكسەي لۋتسەنكو. استانا قۇرامىندا الەمنىڭ ەڭ مىقتى ۆەلوشاباندوزدارىنىڭ ءبىرى ۆينچەنسو نيبالي.
30 -قىركۇەيك كۇنى ب ا ق- قا ارنالعان جيىندا ۇيىمداستىرۋشىلار الماتى تاس جولىنىڭ دايىندىعى جانە قاتىسۋشى كوماندالار مەن جارىستىڭ بيىلعى ەرەكەشىلىگى تۋرالى جان- جاقتى ايتىپ بەرگەن بولاتىن.
«ۆەلوجارىس الماتى اكىمدىگىنىڭ قولداۋىمەن ءوتىپ وتىر. بۇعان دەيىن سايىستى كوپكۇندىك رەتىندە وتكىزۋدى ۇسىنعانبىز. الايدا، ءبىرقاتار ماسەلەلەرگە بايلانىستى يدەيامىز جۇزەگە اسپاي قالدى. بيىلعى سايىسقا ءبىز 20 ەمەس، 14 كوماندا شاقىردىق، ونىڭ 3 ەۋى قازاقستاندىق. وسى ارادا ايتا كەتەيىك، سوڭعى 5 جىلدا قازاقستاندا ۆەلوسپورت جاقسى دامىپ كەلەدى»، - دەدى قازاقستان ۆەلوسپورت فەدەراتسياسىنىڭ ۆيتسە- پرەزيدەنتى امانبەك قۋلچيكوۆ.
ايتا كەتەيىك، «الماتى تۋرى» بيىل ءتورتىنشى رەت وتكىزىلگەلى وتىر. العاشقى رەت 2013 -جىلى باستالعان. 2014 -جىلى UCI حالىقارالىق ۆەلوسيپەدشىلەر حالىقارالىق وداعى ۆەلوجارىسقا ەڭ جوعارعى ديۆيزيوننىڭ كاسىپقوي كوماندالارى وينايتىن 1.1 كاتەگورياسىن بەردى.
بۇعان دەيىن UCI حالىقارالىق ۆەلوسيپەدشىلەر وداعىنىڭ تەحنيكالىق كەڭەسشىسى، ۆەلوجارىس ديرەكتورى دجەك ۆاتسون ۇيىمداستىرۋشى، قازاقستاندىق تاراپتىڭ ناتيجەلى جۇمىس اتقارعانىن اتاپ وتكەن بولاتىن.
«ۆەلوجارىستى ۇيىمداستىرا باستاعان العاشقى جىلعا قاراعاندا بيىل جاقسى ناتيجەلەر بايقاۋعا بولادى. ۇيىمداستىرۋشىلار مەن الماتى قالاسى اكىمدىگى الەمدىك دەڭگەيدە وتەتىن ايتۋلى باسەكەلەر سىندى بۇل ۆەلوجارىستى كوپكۇندىك ەتىپ وتكىزۋدى ويلاستىرۋىنا تولىق مۇمكىندىك بار دەپ ەسەپتەيمىن»، - دەگەن بولاتىن ول باسپا ءسوز ءماسليحاتىندا.
ۆەلوجارىسقا ەۋروپا مەن ازيانىڭ 14 كومانداسى قاتىسادى.
ايتا كەتەيىك، ۆەلوجارىس الەمنىڭ ەڭ ءىرى «Eurosport» سپورت تەلەارناسىندا جانە قازاقستاننىڭ «Kazsport» ارناسىنان بەرىلىپ وتىر.
ۆەلوجارىستىڭ جالپى جۇلدە قورى 39 مىڭ ەۋرو. «الماتى تۋرىنىڭ» جەڭىمپازى 15 مىڭ ەۋرو، ەكىنشى جانە ءۇشىنشى ورىندارىنىڭ يەلەرى 10 جانە 5 ەۋرودان الادى. سونىمەن قاتار، 20-ورىنعا دەيىنگى قاتىسۋشىلار ماراپاتتالادى.
