ورالدا «ورال ارۋى-2016» بايقاۋى مارەگە جەتتى
سۇلۋلىق بايقاۋىنا بارلىعى 12 ۇمىتكەر قاتىستى. ماۋسىم ايىندا ىرىكتەۋدەن وتكەن ولار ءۇش اي بويى ءبي مەن اكتەرلىك شەبەرلىككە ۇيرەندى، ءتۇرلى شارالارعا قاتىستى.
بەس كەزەڭنەن تۇرعان سايىس بارىسىندا ارۋلار وزدەرى تۋرالى اڭگىمەلەۋمەن بىرگە ۇلتتىق كيىمدەرمەن ساحناعا شىعىپ، ءوز ونەرلەرىن كورسەتتى. قازىلار القاسىنىڭ ساۋالدارىنا جاۋاپ بەرىپ، وي-ورەلەرىنىڭ قانداي دەڭگەيدە ەكەندىگىن تانىتتى.
بايقاۋ قورىتىندىسىندا جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتى، 18 جاسار اينۇر شايماردانوۆا جەڭىمپاز اتاندى. وعان سىي رەتىندە پاريجگە جولداما بەرىلدى. ا. شايماردانوۆا سونىمەن قاتار ءبىرىنشى ورىندى يەلەنگەن الينا ابدۋعاليەۆامەن بىرگە «قازاقستان ارۋى-2016» بايقاۋىندا وبلىس نامىسىن قورعايدى.
ايتا كەتەيىك، «ورال ارۋى-2016» - قالا كۇنى اياسىندا ۇيىمداستىرىلىپ وتىرعان شارالاردىڭ ءبىرى.
