08:01, 22 - تامىز 2016 | GMT +5
ريو-2016 قورىتىندىلارى: وزبەكستان جالپى ەسەپتە قازاقستاننىڭ الدىن ورادى
استانا- ريو- دە- جانەيرو. قازاقپارات - ريو وليمپياداسىنىڭ سوڭعى كۇنى قازاقستاننىڭ قۇراماسىن مەدال سانى بويىنشا جالپى ەسەپتە وزبەكستان باسىپ وزدى.
وليمپيادانىڭ قورىتىندى كەستەسىندە ءبىزدىڭ قۇراما 21-ورىننان 22-ورىنعا جىلجىدى.
ەسكە سالا كەتسەك، وليمپيادانىڭ سوڭعى كۇنى وزبەكستان قۇراماسى بوكستان 2 التىن مەدالعا قول جەتكىزدى. 52 كەلىگە دەيىنگى سالماقتا شارشى الاڭعا شىققان بوكسشى شاحوبيدين زويروۆ فينالدا رەسەيلىك ميحايل الوياندى 3:0 ەسەبىمەن ۇتتى.
سونداي- اق فازليددين گايبنازاروۆ ازەربايجاندىق لورەنسو سوتومايوردان باسىم ءتۇستى. وسى ەكى جەڭىس ريونىڭ مەدالدار ەسەبىندە وزبەكستاننىڭ ورنىن جوعارىلاتتى. قازىر وزبەكتەردىڭ قورجىنىندا - 4 «التىن»، 2 «كۇمىس» جانە 7 قولا جۇلدە بار.
