ريو-2016: وليمپيادانىڭ ون بەسىنشى كۇنى قورجىنىمىزعا قولا مەدال دا تۇسكەن جوق

 ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىنىڭ ون بەسىنشى كۇنى بىردە- ءبىر سپورتشىمىز مەدال الا المادى، دەپ حابارلايدى ريوداعى قازاقپارات ءتىلشىسى بۇگىنگى كۇنگە جاساعان قورىتىندىسىندا.
None
None

بۇگىن ەركىن كۇرەس شەبەرلەرى مەن تايەكۆوندوشىلارىمىزدان قاتتى ءۇمىت كۇتكەن بولاتىنبىز. وكىنىشكە قاراي ولاردىڭ ەشبىرى ءبىز كۇتكەن ءۇمىتتى اقتاي المادى.

 بۇگىن العاشقى بولىپ، بەلدەسكەن 86 كەلى سالماقتاعى بالۋانىمىز اسحات كاحيدزە ىرىكتەۋ كەزەڭىندە بەلارۋس بالۋانى ومارگادجي ماگومەدوۆپەن بەلدەسىپ، 7:11 ەسەبىمەن جەڭىلىپ قالدى.

ال ەكىنشى بالۋانىمىز 125 كەلى سالماقتاعى داۋلەت شابانباي ءبىرىنشى بەلدەسۋىندە بەلارۋستىق يبراگيم سايدوۆتان ۇتىلدى.

سونداي- اق بۇگىن تايەكۆوندوشىلارىمىز دا بىرىنەن كەيىن ءبىرى ءسۇرىندى. تىم قۇرىسا، وليمپيادادا قازاق ەلىنىڭ تۋىن ۇستاپ شىققان رۋسلان جاپاروۆ جۇلدەگە ىلىكسە دەپ تىلەپ ەدىك. ول دا بولمادى. قولا ءۇشىن ايقاسىندا وڭتۇستىك كورەيالىق چحا دون ميننەن 8:15 ەسەبىمەن ۇتىلدى. وسىلايشا، قازاق تايەكۆوندوشىلارى دا ريو وليمپياداسىن جۇلدەسىز اياقتادى.

سونىمەن قاتار بۇگىن 1000 مەترگە بايداركا ەسۋدەن الەكساندر ەمەليانوۆ، سەرگەي توكارنيتسكي، يليا گولەندوۆ جانە اندرەي ەرگۋچيەۆ قولا مەدال ءۇشىن وتكەن باسەكەدە 3 مينۋت 08,715 سەكۋند ناتيجەمەن جارىستى جالپى ەسەپتە 10-ورىنمەن اياقتادى.

ايەلدەر اراسىندا 500 مەترگە بايداركا ەسۋدەن سىنعا تۇسكەن يرينا پودوينيكوۆا، زويا انانچەنكو، ناتاليا سەرگەيەۆا جانە يننا كلينوۆا اتالعان قاشىقتىقتى 1 مينۋت 39,419 سەكۋندتا ءجۇزىپ ءوتىپ، بۇل سپورتشىلارىمىز دا جالپى ەسەپتە 10- ورىنعا تابان تىرەدى.

سونداي- اق، ەرلەر اراسىندا زاماناۋي بەسسايىستان ونەر كورسەتكەن پاۆەل يلياشەنكو جارىس جولىن 35-ورىنمەن اياقتادى.

 ەسكە سالا كەتەيىك، اۋىر اتلەت نيجات راحيموۆ پەن ءجۇزۋشى دميتري بالاندين جانە 69 كەلى سالماقتاعى بوكسشىمىز دانيار ەلەۋسىنوۆ ريو وليمپياداسىنىڭ چەمپيونى اتانعان ەدى. ال ريو وليمپياداسىنىڭ كۇمىس جۇلدەسىن وسىعان دەيىن، بالۋان ەلدوس سمەتوۆ، اۋىر اتلەت جازيرا جاپپارقۇل، بوكسشى ۆاسيلي ليەۆيت، ادىلبەك نيازىمبەتوۆ، جانە ايەلدەر كۇرەسىنەن گيۋزەل مانيۋروۆا جەڭىپ الدى.

 ال وتگونتسەتسەگ گالبادراح، ولگا رىپاكوۆا، اۋىر اتلەتتەر كارينا گوريچيەۆا، فارحاد حاركي، الەكساندر زايچيكوۆ، ەلميرا سىزدىقوۆا، ەكاتەرينا لاريونوۆا، يۆان دىچكو جانە داريعا شاكىموۆا قولا جۇلدەگەر اتاندى.

اۆتور: كۇنسۇلتان وتارباي

سوڭعى جاڭالىقتار