ريو-2016: ق ر قۇراماسىنىڭ تۋىن ۇستاپ شىققان جاپاروۆ العاشقى جەكپە- جەكتە ۇتىلدى

ول 80 كەلىگە دەيىنگى سالماق دارەجەسىندەگى ءتىسقاققان ازەربايجان سپورتشىسى راديك يسايەۆپەن كەزدەستى. جەكپە- جەك ازەربايجاندىقتىڭ بەلسەندىلىگىمەن باستالدى، ول رۋسلاندى ايقىن باسىمدىقپەن ۇتتى، ەسەپ - 11:2. ەسكە سالا كەتسەك، رۋسلان جاپاروۆ ريوداعى وليمپيادا جۇلدەسى ءۇشىن سايىسقا شىققان سوڭعى تاەكۆونداشى. بۇعان دەيىن اينۇر ەسبەرگەنوۆا مەن جانسەل دەنيز جارىستى العاشقى كەزدەسۋلەرىن جەڭىلىسپەن اياقتاپ، ەلگە ورالعان بولاتىن. 20 جاستاعى ر. جاپاروۆ جامبىل وبلىسىنىڭ تۋماسى، قر سپورت شەبەرى، قازاق سپورت جانە تۋريزم اكادەمياسىنىڭ ءۇشىنشى كۋرس ستۋدەنتى. رۋسلان جاپپاروۆ وليمپيادا جولداماسىنا 16 -ساۋىردە فيليپپيننىڭ مانيلا قالاسىندا وتكەن ازيا بىلىكتىلىك جارىسىندا قول جەتكىزدى. ول پالەستينالىق باحري تانريكۋلۋدى - 10:6 جانە پاكىستاندىق اتيەفا ارشادانى - 3:1 ەسەبىمەن ۇتتى. اۆتور كۇنسۇلتان وتارباي