ريو-2016: داريعا شاكىموۆا جەكپە- جەكتەن كەيىنگى اسەرىمەن ءبولىستى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا 75 كەلى سالماقتا جۇدىرىقتاسىپ، قولا جۇلدە جەڭىپ العان بوكسشى ارۋىمىز جارىستان كەيىنگى اسەرىمەن ءبولىستى، دەپ حابارلايدى ريوداعى قازاقپارات ءتىلشىسى.
None
None

«مەن فينالعا جەتۋ ءۇشىن قولىمنان كەلگەننىڭ بارلىعىن جاسادىم. ءار ءتۇرلى ايلا- تاسىلدەرگە دە باردىم. وكىنىشكە قاراي، فينالعا جەتە المادىم. نە بولسا دا، جارىس ءبىتتى. ەڭ باستىسى ريودان قۇر كەتپەي ەلىمىزگە قولا جۇلدە سىيلادىم. وسىعان دا اللاعا شۇكىر دەيمىن»، - دەدى بوكسشى ارۋىمىز.

ول سونىمەن بىرگە قارسىلاسى تۋرالى دا ايتىپ ءوتتى.

«قارسىلاسىم وتە مىقتى بوكسشى ەكەنىن جۇرتتىڭ ءبارى بىلەدى. ءبىراق، مەن دە جارىسقا دەيىن ودان قورقۋ سەزىمى بولعان جوق. جەڭىس ءۇشىن ءبارىن جاساۋىم كەرەك دەپ قانا ويلادىم. الايدا، ويلاعان ويىم جۇزەگە اسپادى»، - دەپ اتاپ ءوتتى جارىستان كەيىن داريعا شاكىموۆا.

ەستەرىڭىزگە سالا سالا كەتەيىك، داريعا شاكىموۆا پەتروپاۆل قالاسىندا دۇنيەگە كەلگەن. ول ازيا چەمپيونى (2010) ؛ قازاقستان چەمپيونى (2013)؛ قازاقستان چەمپيونى (2014)؛ ازيا چەمپيونى (2015)؛ قازاقستان چەمپيونى (2016)؛ حالىقارالىق دارەجەدەگى سپورت شەبەرى. شاكىموۆا وليمپيادا ويىندارىنا جولدامانى قىتايدا وتكەن بوكستان ازيا جانە مۇحيت ايماعى ەلدەرى بويىنشا وليمپيادا ويىندارىنا جولداما ساراپقا سالىنعان تۋرنيردە جەڭىپ الدى. وليمپيادا ويىندارىنا بيىل تۇڭعىش رەت قاتىسىپ قولا جۇلدەگەر اتاندى.

اۆتور: كۇنسۇلتان وتارباي

سوڭعى جاڭالىقتار