11:12, 19 - تامىز 2016 | GMT +5
ريو-2016: قازاقستاننىڭ بوكس قۇراماسى جالپى ەسەپتە ءبىرىنشى ورىندا كەلەدى
استانا. قازاقپارات - ريو- دە- جانەيرو وليمپياداسىندا قازاقستاننىڭ بوكس قۇراماسى جالپى ەسەپتە ءبىرىنشى ورىندا كەلە جاتىر.

قازاق بوكسشىلارى ريو وليمپياداسىندا 1 التىن، 2 كۇمىس مەدالمەن كۋبا مەن وزبەكستاندى ارتقا تاستاپ، جالپى ەسەپتە كوش باستاۋدا.
ەكىنشى ورىندا كەلە جاتقان وزبەك بوكسشىلارىندا 1 التىن، 1 كۇمىس پەن 2 قولا مەدال بار. ال دۇنيەءجۇزىنىڭ بوكس دەرجاۆالارىنىڭ ءبىرى سانالاتىن كۋبا قۇراماسى 1 التىن، 3 قولا مەدالمەن ۇزدىك ۇشتىكتى تۇيىندەپ وتىر. كورشى رەسەي ەلى 1 التىن، 2 قولامەن ءتورتىنشى ورىندى مىسە تۇتتى.
ايتا كەتەيىك، ءبىزدىڭ قۇرامادا دانيار ەلەۋسىنوۆ 69 كەلىدە التىن السا، 81 كەلىدە ادىلبەك نيازىمبەتوۆ پەن 91 كەلىدە ونەر كورسەتەتىن ۆاسيلي ليەۆيت كۇمىس ەنشىلەدى.
تاعى ەكى بوكسشىمىز جارتىلاي فينالعا ءوتتى، ولار اسا اۋىر سالماقتاعى يۆان دىچكو مەن 75 كەلىگە دەيىنگى سالماقتاعى داريعا شاكىموۆا.
اۆتور: جاسۇلان جولدىبايەۆ