ريو-2016: قازاقستان تاراپى لەۆيت- تيشەنكو جەكپە-جەگىنە قاتىستى ۇستانىمىن جاريا ەتتى

استانا. قازاقپارات - قازاقستان بوكس فەدەراتسياسى ريو وليمپياداسىنىڭ فينالىندا ورىن العان لەۆيت پەن تيشەنكو جەكپە-جەگىندەگى داۋعا قاتىستى پىكىرىمەن ءبولىستى.
None
None

«بارشا قازاقستاندىقتار سەكىلدى ءبىز دە سول كەزدەسۋدى تاماشالاعان بولاتىنبىز، ۆاسيليدىڭ فينالدىق جەكپە-جەگىن قاراپ، تاقىم قىستىق، ۆاسيلي لەۆيت جەڭىسكە جەتتى دەپ سانايمىز، الايدا تورەشىلەردىڭ شەشىمى باسقا بولدى. AIBA پرەزيدەنتى چينگ كۋو- ۆۋ مالىمدەگەنىندەي، قانداي بولسا دا، قازىلاردىڭ شەشىمىن سىيلاۋ قاجەت. AIBA ەرەجەسى بويىنشا، قازىلار شەشىمىنە قاتىستى شاعىمدار قابىلدانبايدى، سوندىقتان ءوز قارسىلىعىمىزدى بىلدىرگەن جوقپىز. ءبىزدىڭ فەدەراتسيا AIBA جۇيەسىندە، AIBA - ۇلتتىق فەدەراتسيالارعا جەتەكشىلىك ەتەتىن ۇيىم. سوندىقتان ءبىز ودان اسىپ كەتە المايمىز. بىزگە كەلەسى وليمپيادادا، الەم چەمپيوناتتارىندا، ازيا بىرىنشىلىكتەرىندە بىرگە جۇمىس ىستەۋگە تۋرا كەلەدى. سول سەبەپتى AIBA ساياساتىن ۇستانۋىمىز كەرەك»، - دەپ اتاپ ءوتى ق ب ف قازىلار كوميسسياسىنىڭ ءتوراعاسى اسلان يگۋبايەۆ.

ەسكە سالا كەتەيىك، ريو وليمپياداسىنىڭ فينالىندا قازاقستاندىق بوكسشى ۆاسيلي لەۆيت رەسەيلىك سپورتشى ەۆگەني تيشەنكوعا قارسى كەزدەسۋ وتكىزدى جانە تورەشىلەردىڭ شەشىمىمەن 1:2 ەسەبىمەن جەڭىلىس تاپتى. دەگەنمەن، رەسەيلىك بوكسشىنى بۇرىشتان- بۇرىشقا قۋالاپ ءجۇرىپ ۇرعان قازاقستاندىققا بارشا الەم قولداۋ ءبىلدىرىپ، جەكپە- جەكتىڭ ءادىل وتپەگەنىنە نارازىلىق تانىتۋدا.

 اۆتور: جاسۇلان جولدىبايەۆ

 

سوڭعى جاڭالىقتار