21:06, 15 - تامىز 2016 | GMT +5
ريو-2016: ولجاس ساتتىبايەۆ شيرەك فينالدان ءارى وتە المادى
ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بۇگىن بوكستان 52 كەلى سالماقتا ونەر كورسەتكەن ولجاس ساتتىبايەۆ شيرەك فينالدان ءارى وتە المادى، دەپ حابارلايدى ريوداعى قازاقپارات ءتىلشىسى.

ول شيرەك فينالدا ءازىربايجاندىق بوكسشى ەلۆين ماميشزادان 3:0 ەسەبىمەن ۇتىلىپ قالدى.
ەندى ءبىر ساعاتتان كەيىن، ياعني استانا ۋاقىتىمەن 22:00 دە 75 كەلىگە دەيىنگى سالماقتا جانىبەك ءالىمحان ۇلى شيرەك فينالعا (1/4) شىعادى. سونداي-اق، 03:30 دا 69 كەلىگە دەيىنگى سالماقتا بوكستان قازاقستان ۇلتتىق قۇراماسىنىڭ كوماندا كاپيتانى دانيار ەلەۋسىنوۆ جارتىلاي فينالدا ونەر كورسەتەدى.
ال وسى بوكسشىلاردان كەيىن، 04:15 تە 91 كەلىگە دەيىنگى سالماقتا ۆاسيلي ليەۆيت فينالدا جۇدىرىقتاسىپ، ريو وليمپياداسىنىڭ التىنىنا تالاسادى.
سونىمەن بۇگىن بەسىنشى بوكسشىمىز ريو وليمپياداسىنداعى جارىسىن اياقتادى. ەندى جارىس جولىندا بەس بوكسشىمىز قالدى.
اۆتور: كۇنسۇلتان وتارباي