ريو-2016: ءسۇيىنشى! جازيرا جاپپارقۇل قازاق قىزدارىنان تۇڭعىش وليمپيادانىڭ كۇمىس جۇلدەگەرى اتاندى

ريو- دە- جانەيرو. قازاقپارات - ءسۇيىنشى! جازيرا جاپپارقۇل قازاق قىزدارىنان تۇڭعىش وليمپيادانىڭ كۇمىس جۇلدەگەرى اتاندى.
None
None

 بۇگىن برازيليانىڭ ريو- دە- جانەيرو قالاسىندا اۋىر اتلەتيكادان ايەلدەر اراسىنداعى 69 كەلىگە دەيىنگى سالماقتا قازاق قىزى ەل قورجىنىنا ەكىنشى كۇمىس جۇلدەنى سىيلادى. ول قوس سايىستىڭ قورىتىندىسى بويىنشا 259 كەلىنى باعىندىردى.

بۇل تۋرالى ريودا جۇرگەن قازاقپارات ءتىلشىسى حابارلايدى.

 جازيرا سەرپە كوتەرۋدە الدىمەن 140 كەلىگە تاپسىرىس بەردى. الايدا ونى باعىندىرا المادى. ەكىنشى مۇمكىندىگىندە ول وسى سالماققا قايتا ۇسىنىس بەرىپ، ەكىنشىسىندە ەركىن كوتەردى. ال ءۇشىنشى مۇمكىندىگىندە جازيرا جاپپارقۇل 144 كەلىنى باعىندىردى. قوس سايىستىڭ قورىتىندىسى بويىنشا جەرلەسىمىز 259 كەلىمەن ريو وليمپياداسىنىڭ كۇمىس جۇلدەگەرى جانە قازاق قىزدارىنان تۇڭعىش وليمپيادا جۇلدەگەرى اتاندى.

 بۇل سالماقتا باس جۇلدە قوسسايىستىڭ قورىتىندىسى بويىنشا قىتاي قىزى سيان يانمەيگە بۇيىردى. ءۇشىنشى ورىندى مىسىرلىق سارا احمەت جەڭىپ الدى. سونىمەن بۇگىن وليمپيادانىڭ بەسىنشى كۇنى قورجىنىمىزعا ەكىنشى كۇمىس مەدال بۇيىردى.

اۆتور: كۇنسۇلتان وتارباي

سوڭعى جاڭالىقتار