ريو-2016 ويىندارىنا قازاقستان اتىنان ءۇش تاەكۆوندوشى اتتانباق
جامبىل وبلىسىنىڭ تۋماسى - 20 جاسار ر. جاپاروۆ وليمپيادادا قازاقستان قۇراماسىنىڭ بايراعىن ۇستاپ شىقپاق. 18 جاستاعى ا. ەسبەرگەنوۆا قىزىلوردانىڭ تۇلەگى. تاەكۆوندودان جاسوسپىرىمدەر اراسىندا «فۋدجەرا وپەن» حالىقارالىق تۋرنيرىنىڭ ەكى دۇركىن چەمپيونى. 2016 -جىلى قازاقستان چەمپيونى اتاندى.
جانسەل دەنيز - تۇركيادان كەلگەن ەتنيكالىق قازاق قىزى. ول تۇركيانىڭ سەگىز دۇركىن چەمپيونى، Austrian Open تۋرنيرىنىڭ ەكى مارتە كۇمىس جانە قولا جۇلدەسىن ەنشىلەگەن، Russian Open جەڭىمپازى، Dutch Open مەن Trelleborg Open جارىستارىنىڭ قولا جۇلدە يەسى، Ukraine Open جانە Moldova Open تۋرنيرلەرىنىڭ ەكى مارتە كۇمىس مەدالىن ولجالاعان.
ايتا كەتەيىك، ريو وليمپياداسىنا باراتىن 124 تاەكۆوندوشىنىڭ ەسىمدەرى بەلگىلى. تاعى 4 سپورتشىنىڭ اتى- جوندەرى دۇنيەجۇزىلىك تاەكۆوندو فەدەراتسياسى «Wild card» راستاعاننان كەيىن جاريا ەتىلمەك.
اۆتور: جاسۇلان جولدىبايەۆ
