قۇرلىق اسكەرلەرىندە 2016-جىلدىڭ جارتى جىلدىعى بويىنشا جاۋىنگەرلىك سايىستىڭ قورىتىندىسى شىعارىلدى - فوتو
61993 اسكەري ءبولىمىنىڭ بازاسىندا قۇرلىق اسكەرلەرى باسقارۋشى قۇرامىمەن جەدەل-ادىستەمەلىك جيىننىڭ اياقتالۋى شەڭبەرىندە ەڭ ۇزدىك وڭىرلىك قولباسشىلىعى مەن اسكەر تەكتەرى، اسكەري بولىمدەر مەن ونىڭ كومانديرلەرى انىقتالىپ ماراپاتتالدى.
وڭىرلىك قولباسشىلىقتار مەن اسكەر تەكتەرىنىڭ اراسىندا «وڭتۇستىك» وڭىرلىك قولباسشىلىعى كوشباسشى اتانسا، ودان كەيىن «شىعىس» وڭىرلىك قولباسشىلىعى، ءۇشىنشى ورىنعا - اەروۇتقىر اسكەرلەرى يە بولدى، دەپ حابارلايدى ق ر ق م باسپا ءسوز قىزمەتى. مەحانيكالاندىرىلعان، تانكتىك جانە دەسانتتىق- شابۋىلداۋشى بولىمدەردىڭ اراسىندا 61993 اسكەري ءبولىمى ۇزدىك دەپ تانىلسا، ارتيللەريالىقتاردىڭ ىشىندە - 82796 اسكەري ءبولىمى، سونداي-اق ينجەنەرلىك-ساپەرلىك قۇرامالاردىڭ اراسىندا 58012 ءا/ب، بايلانىس بولىمشەلەرىنىڭ اراسىندا - 54380 ءا/ب، ماتەريالدىق-تەحنيكالىق قامتاماسىز ەتۋ بولىمدەرىنىڭ ىشىندە - 75488 اسكەري ءبولىمى دارا شىقتى.
سونىمەن قاتار، قۇرلىق اسكەرلەرىنىڭ باسقارۋىمەن «وڭتۇستىك» وڭىرلىك قولباسشىلىعىنىڭ - 28349, 03811, 22326, 22534 اسكەري بولىمدەرى مەن «شىعىس» ءو ڭ ق- نىڭ 30217 اسكەري بولىمدەرى دە ەرەكشەلەندى.
بەلگىلى بولعانداي، وتكەن جارتىجىلدىقتا اتالعان بولىمشەلەردىڭ جەكە قۇرامى وزدەرىنە مىندەتتەلگەن جاۋىنگەرلىك جانە كاسىبي دايارلىقتارىنىڭ جوعارى دەڭگەيىن كورسەتتى. مۇنداي قورىتىندى شىعارۋ ارقىلى اسكەري قىزمەتشىلەر قانداي جەتىستىكتەرگە قول جەتكىزدى، اسكەر تۇرلەرىنىڭ دامۋ بەتالىسى قالاي، العا قويعان قانداي مىندەتتەر ورىندالدى جانە بولاشاقتا شەشىمىن تابۋى كەرەك دەگەن سۇراقتارعا تولىق جاۋاپ بەرىلدى.
تاعى ءبىر ءجايت، بۇل جەكە قۇرامنىڭ ودان سايىن جوعارى كورسەتكىشكە قول جەتكىزۋگە ۇمتىلۋىن، ءوزىنىڭ كاسىبي دەڭگەيىن، جاۋىنگەرلىك جانە دەنە دايارلىعىن ۇزدىكسىز جەتىلدىرۋگە، شىڭداي تۇسۋگە يتەرمەلەيتىن تاماشا ىنتالاندىرۋ ەكەنىن دە ايتا كەتكەن ءجون.
