جىبەك جولى-2016: رالليگە قاتىسۋشىلار استاناداعى جانكۇيەرلەرىمەن جولىعادى
جارىسقا قاتىسۋشىلار بۇگىن كەشكە قوستانايدان استاناعا جەتەدى.
«ۋ ف ا- قوستاناي 6- بولىپ مارە سىزىعىن كەسىپ وتتىك! ەكى مارتە باعىتىمىزدان جاڭىلىپ قالدىق، ءبىر رەت جولدان سەكىرىپ كەتتىك، الايدا ماشينا شىداس بەردى! ەرتەڭ استاناعا بەت الامىز، 750 شاقىرىم جارىس كولىكتەرى مەن جارىسقا قاتىسۋشىلاردى كورگىسى كەلەتىندەردى كەشكە 20:30 دان كەيىن بايتەرەكتىڭ جانىنا شاقىرامىز، وندا داكاردىڭ تانىمال قاتىسۋشىلارى بولادى!»، - دەپ جازدى 11- شىلدەدە ايدىن راقىمبايەۆ فەيسبۋكتەگى پاراقشاسىندا.
استانا اكىمى اسەت يسەكەشەۆ قازاقستاندىق سپورتشىنىڭ جازباسىنا پىكىر قالدىرىپ: «ساتتىلىك تىلەيمىن! ەرتەڭ استانادا جارىسقا قاتىسۋىشلاردى قارسى الامىز!»، دەپ جازدى.
ەسكە سالا كەتسەك، «جىبەك جولى-2016» ءرالليى جىبەك جولى باعدارىمەن وتەدى، ءارى رەسەي، قازاقستان، قىتاي ەلدەرىنىڭ تاۋلى، ءشولدى، دالالى جەرلەرىندەگى 10 مىڭ شاقىرىمنان استام جولىمەن ءجۇرىپ وتەدى.
قازاقستاندا «جىبەك جولى-2016» ءرالليى باعدارى 3000 شاقىرىمعا سوزىلىپ جاتىر، ول قوستاناي، استانا، بالقاش، الماتى باعىتىمەن وتەدى.
«جىبەك جولى-2016» ءرالليىنىڭ قازاقستانداعى مارشرۋتى:
11- شىلدە، 3- كەزەڭ: ۋفا -قوستاناي
12-شىلدە، 4- كەزەڭ: قوستاناي - استانا
13- شىلدە، 5- كەزەڭ: استانا - بالقاش
14- شىلدە، 6- كەزەڭ: بالقاش - الماتى
15- شىلدە، تىنىعاتىن كۇن
16- شىلدە، 7- كەزەڭ: الماتى - بورتالا
اۆتور: قانات مامەتقازى ۇلى
