ورالمانداردى قابىلداۋدىڭ 2016-جىلعا ارنالعان وڭىرلىك ارنايى جەڭىلدىكتەرى بەكىتىلدى

استانا. قازاقپارات - ورالماندار مەن قونىس اۋدارۋشىلاردى قابىلداۋدىڭ 2016-جىلعا ارنالعان وڭىرلىك كۆوتاسىن (ارنايى جەڭىلدىكتەر) بەكىتۋ تۋرالى 82№ ق ر ۇكىمەتىنىڭ قاۋلىسى جاريالاندى.

«قازاقپارات» ح ا ا ۇكىمەت قاۋلىسىنىڭ تولىق ءماتىنىن جاريالايدى.

قازاقستان رەسپۋبليكاسى ۇكىمەتىنىڭ قاۋلىسى 82№

2016-جىلعى 18- اقپان، استانا، ۇكىمەت ءۇيى

ورالماندار مەن قونىس اۋدارۋشىلاردى قابىلداۋدىڭ 2016-جىلعا ارنالعان وڭىرلىك كۆوتاسىن بەكىتۋ تۋرالى

«حالىقتىڭ كوشى-قونى تۋرالى» 2011-جىلعى 22- شىلدەدەگى قازاقستان رەسپۋبليكاسىنىڭ زاڭى 8-بابىنىڭ 5-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. مىنالار:

1) 1259 وتباسىدان تۇراتىن ورالمانداردى قابىلداۋدىڭ 2016-جىلعا ارنالعان وڭىرلىك كۆوتاسى؛

2) 463 وتباسىدان تۇراتىن قونىس اۋدارۋشىلاردى قابىلداۋدىڭ 2016-جىلعا ارنالعان وڭىرلىك كۆوتاسى بەلگىلەنسىن.

2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى 2016-جىلعى 1- تامىزعا جانە 2017-جىلعى 1- اقپانعا قاراي قازاقستان رەسپۋبليكاسىنىڭ ۇكىمەتىنە وسى قاۋلىنىڭ ورىندالۋى تۋرالى ەسەپ ۇسىنسىن.

3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.