22:58, 12 - اقپان 2016 | GMT +5
قازاقستان مەن رەسەي 2016-جىلدىڭ شىلدەسىنە دەيىن «ەۋرازيا» جوباسىنىڭ «جول كارتاسىن» ازىرلەيدى
استانا. قازاقپارات - رەسەي تابيعات ءمينيسترى سەرگەي دونسكويدىڭ قازاقستان رەسپۋبليكاسىنىڭ ەنەرگەتيكا ءمينيسترى ۆلاديمير شكولنيكپەن جۇمىس كەزدەسۋىنىڭ قورىتىندىلارى بويىنشا، «ەۋرازيا» جوباسىنىڭ «جول كارتاسىن» 2016-جىلدىڭ شىلدەسىنە دەيىن ازىرلەۋ كەلىسىلدى، دەپ حابارلايدى ر ف تابيعات مينيسترلىگىنىڭ باسپا ءسوز پاراقشاسىنا سىلتەمە جاساپ investing.com پورتالى.
تاراپتار سونداي-اق «جول كارتاسىنىڭ» جوباسىن ساراپشىلاردىڭ كەڭەيتىلگەن فورماتتاعى كەزدەسۋىنىڭ (2018-جىلدىڭ ناۋرىزى، استانا) بارىسىندا تالقىلاۋعا، ال 2016-جىلدىڭ ماۋسىمىنا دەيىن قۇجاتتى بەكىتىپ، ونى ىسكە اسىرا باستاۋعا كەلىستى.
«ەۋرازيا» - كاسپي ماڭى ويپاتىنىڭ قۇرلىقتا دا، تەڭىزدە دە، قازاقستان مەن رەسەي اۋماعىندا تەرەڭ جاتقان (5 شاقىرىمنان جوعارى) قاباتتارىن بارلاۋ حالىقارالىق جوباسى. ونىڭ نەگىزگى ماقساتى - كومىرسۋتەكتەرىنىڭ جاڭا ءىرى شوعىرلارىن انىقتاۋ ءۇشىن ايماقتىڭ تەرەڭدىكتەگى گەوگرافيالىق قۇرىلىسىن زەرتتەۋ. جوبانىڭ اياسىندا تەرەڭدىگى 14 نەمەسە 15 شاقىرىم وتە تەرەڭ ۇڭعىمالاردى بۇرعىلاۋدىڭ يننوۆاتسيالىق تەحنولوگيالارىن جاساۋ جوسپارلانىپ وتىر.
