قازاقستان 2016 - جىلى بوكستان ايەلدەر اراسىنداعى الەم چەمپيوناتىن وتكىزەدى
بۇل قازاقستاندىق بوكستىڭ تاعى ءبىر كەزەكتى جەڭىسى. بۇل تۋرالى قازاقستان بوكس فەدەراتسياسىنىڭ باسپا ءسوز قىزمەتىنەن حابارلاندى.
«بۇگىن ىستامبۇلدا ا ي ب ا حالىقارالىق بوكس قاۋىمداستىعىنىڭ اتقارۋشى كوميتەتى بۇعان دەيىن تانىستىرىلىمى جاسالعان قازاقستاننىڭ الەم بىرىنشىلىگىن وتكىزۋ تۋرالى ءوتىنىمىن ماقۇلدادى. الەمدە تانىمالدىلىعى شاپشاڭ ارتىپ وتىرعان سپورت تۇرىنەن الەم چەمپيوناتىن وتكىزۋگە بىزدەن بولەك قىتاي، انگليا، رەسەي سەكىلدى مەملەكەتتەر نيەت تانىتىپ، ولاردىڭ ءارقايسىسى قازاقستان ءۇشىن مىقتى باسەكەلەس بولعان ەدى. الايدا، ا ي ب ا اتقارۋشى كوميتەتىنىڭ مۇشەلەرى قازاقستاندىق تانىستىرىلىمعا ءتانتى بولىپ، 20 داۋىستىڭ 18 ى ءبىزدىڭ ەنشىمىزگە تۇسسە، 2 قىتاي يەلەندى» ، - دەلىنگەن باسپا ءسوز حابارىندا.
توقتالا كەتەتىن جايت، 2016 - جىلى قازاقستاندا ۇيىمداستىرىلاتىن الەم چەمپيوناتىندا ريودا وتەتىن وليمپيادا ويىندارىنا جولدامالار ساراپقا سالىنادى، سوندىقتان دا بۇل دودانىڭ ماڭىزى ارتا تۇسەتىنى ءسوزسىز. سونىمەن قاتار، قازاقستان بۇعان دەيىن بوكستان جاستار اراسىنداعى الەم چەمپيوناتىن (استانا، 2011 - جىل) جانە ەرەسەكتەر اراسىنداعى الەم چەمپيوناتىن (الماتى، 2013 - جىل) وتكىزگەن بولاتىن. ال وسىدان ءتورت جىل بۇرىن ايەلدەر اراسىنداعى بوكستان قۇرلىقتىق چەمپيونات تا قازاقستاندا وتكەن ەدى.
اۆتور: قانات مامەتقازى ۇلى
