07:32, 10 - تامىز 2016 | GMT +5
ريو-2016: قازاقستان 4 مەدالمەن 30-ورىندا كەلەدى
ريو- دە- جانەيرو. قازاقپارات - ريو وليمپياداسىنىڭ ءتورتىنشى كۇنى قازاقستان قورجىنىنا ءتورتىنشى مەدال ءتۇستى.

الايدا، جالپى ەسەپتە 30-ورىنعا سىرعىپ كەتتىك، دەپ حابارلادى ريوداعى قازاقپارات ءتىلشىسى.
كەشە جالپى ەسەپتە ا ق ش قىتاي قۇراماسىن باسىپ وزعان ەدى. بۇگىن قىتايلىقتار ا ق ش- تان ەكى التىن ارتىق الىپ، قايتا كوش باستادى.
قازىرگە دەيىن، 44 مەملەكەت ريو وليمپياداسىنىڭ مەدالىنە قول جەتكىزىپ ۇلگەردى. سونىڭ ىشىندە قىتاي قۇراماسى بۇگىن مەدالدار سانىن 7 التىن، 3 كۇمىس، 5 قولاعا جەتكىزىپ، ءبىرىنشى ورىنعا كوتەرىلدى. ەكىنشى ورىندا - 5 التىن، 7 كۇمىس، 8 قولا العان ا ق ش سپورتشىلارى كەلە جاتىر. ۇزدىك ۇشتىكتى 4 التىن، 4 قولا مەدال جەڭىپ العان اۆستراليا ەلى تۇيىندەدى.
اۆتور: كۇنسۇلتان وتارباي