الماتى وبلىسىندا «جوڭعاريا-2016» تۋرياداسى كەزىندە 1 ادام قازا تاپتى

تالدىقورعان. قازاقپارات - الماتى وبلىسى ت ج د باسپا ءسوز قىزمەتىنىڭ حابارلاۋىنشا، 23- شىلدە كۇنى كەشكى 9 دا ەسكەلدى اۋدانى اۋماعىنداعى جوڭعار الاتاۋى تاۋلارىنىڭ قورا وزەنى ماڭىنداعى شاتقالدان قاراعاندىلىق تۋريستىڭ قۇلاپ كەتكەنى تۋرالى ديسپەتچەرلىك قىزمەتكە حابارلاما تۇسكەن.

ىزدەۋ جۇمىستارىنا «كاز اۆيا سپاس» ا ق مي-171 تىكۇشاعى شىقتى. تىكۇشاق بورتىندا 11 ادام بولدى، ولار - الماتى وبلىسى ت ج د جەدەل-قۇتقارۋ جاساعىنىڭ قىزمەتكەرلەرى جانە مەديتسينا جانە اپات ورتالىعىنىڭ قىزمەتكەرلەرى، ەسكەلدى اۋداندىق ءى ءى ب پوليتسياسى جانە الماتى وبلىسى تۋريزم فەدەراتسياسىنىڭ پرەزيدەنتى.

قازىرگى ۋاقىتتا قۇلاعان ادامنىڭ دەنەسىن تاۋىپ، تىكۇشاق تالدىقورعان قالاسىنا جەتكىزدى.

قوسىمشا اقپاراتتار انىقتالۋدا.

ايتا كەتەيىك، سالاۋاتتى ءومىر سالتىن ناسيحاتتاۋ، تۋريزمدى سپورت ءتۇرى رەتىندە دارىپتەۋ ماقساتىندا 2016-جىلدىڭ 15-30- شىلدە كۇندەرى جوڭعار الاتاۋىنىڭ تاۋ سىلەمدەرىندە «جوڭعاريا-2016» اشىق رەسپۋبليكالىق تۋرياداسى ءوتىپ جاتىر.

تۋرياداعا قازاقستان وبلىستارىنىڭ جانە استانا مەن الماتىنىڭ 4-12 ادامنان قۇرالعان تۋريستىك توپتارى قاتىسۋدا.