ريو-2016: ا ق ش التىن مەدالدار سانىن 16 عا جەتكىزدى

ريو- دە- جانەيرو. قازاقپارات - ريو وليمپياداسىنىڭ التىنشى كۇنى دە ءوز مارەسىنە جەتتى، دەپ حابارلايدى ريوداعى قازاقپارات ءتىلشىسى.
None
None

التى كۇندە ا ق ش 16 التىن 12 كۇمىس، 10 قولا مەدال جەڭىپ الىپ، جالپى ەسەپتە بۇگىندە كوش باستادى. قازىرگى ەسەپ بويىنشا 56 مەملەكەت ريو وليمپياداسىنىڭ مەدالىنە قول جەتكىزىپ ۇلگەردى. سونىڭ ىشىندە ا ق ش قۇراماسى جوعارىدا اتاپ وتكەنىمىزدەي 38 (16+12+10) مەدال جەڭىپ الدى.

ەكىنشى ورىندا 11 التىن، 8 كۇمىس، 11 قولا مەدال ەنشىلەگەن قىتاي قۇراماسى ءوز ورىنىن ساقتاپ تۇر. ال ۇزدىك ۇشتىكتە 7 التىن، 2 كۇمىس، 13 قولا مەدال جەڭىپ العان جاپونيا سپورتشىلارى يەلىك ەتۋدە.

ال قازاقستان قۇراماسى كەشە قوس التىن، ءبىر كۇمىس مەدال ەنشىلەپ كوماندالىق جالپى ەسەپتە 11-ورىنعا كوتەرىلگەن ەدى. بۇگىن وليمپيادانىڭ التىنشى كۇنى مەدال بۇيىرماي، ءبىر ساتى تومەن سىرعىپ، جالپى ەسەپتە 12-ورىنعا جايعاستى. قازاقستان قورجىنىندا قازىرگە 2 التىن، 2 كۇمىس، 3 قولا مەدال بار.

ەسكە سالا كەتەيىك، جارىستىڭ العاشقى كۇنىندە دزيۋدودان ەرلەر اراسىندا 60 كەلىگە دەيىنگى سالماق دارەجەسىندە سىنعا تۇسكەن ەلدوس سمەتوۆ ەل قورجىنىنا كۇمىس جۇلدە سالسا، 48 كەلىگە دەيىنگى سالماقتا ايەلدەر اراسىندا جارىسقا قاتىسقان وتگونسەسەگ گالبادراح وليمپيادا ويىندارىنىڭ قولا جۇلدەگەرى اتاندى. ال ءۇشىنشى مەدالدى قورجىنعا اۋىر اتلەت فارحاد حاركي سالدى. ول ەرلەر اراسىنداعى 62 كەلىگە دەيىنگى سالماق دارەجەسىندە ونەر كورسەتكەن بولاتىن. وليمپيادانىڭ ءتورتىنشى كۇنى تاعى ءبىر اۋىر اتلەت قىزىمىز كارينا گوريچەۆا 63 كەلى سالماقتا ءتورتىنشى مەدالدى ەل قورجىنىنا سالسا، كەشە وليمپيادانىڭ بەسىنشى كۇنى ەكى اۋىر اتلەتىمىز نيدجات راحيموۆ پەن قازاقتىڭ قىزى جازيرا جاپپارقۇل 1 التىن، 1 كۇمىس مەدال ولجالادى. كوپ ۇزاماي دميتري بالاندين 200 مەتر قاشىقتىققا جۇزۋدەن 2:07,46 كورسەتكىشكە قول جەتكىزىپ، ەلىمىزگە ەكىنشى التىن مەدال اپەردى.

اۆتور: كۇنسۇلتان وتارباي

سوڭعى جاڭالىقتار