قازاقستانداعى باعانىڭ ءوسۋى 2015 -جىلعى دەڭگەيدەن اسىپ ءتۇستى
بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«كۇردەلى گەوساياسي سىن-قاتەرگە قاراماستان، ەلىمىز ءبىر قالىپتى دامىپ كەلەدى. مۇنى جارتى جىلدىق ناتيجەدەن كورىپ وتىرمىز. ەكونوميكا 3,4 پايىزعا، ال ناقتى سەكتور 4,1 پايىزعا ءوستى. اسىرەسە، وڭدەۋ ونەركاسىبى سالاسىندا ايتارلىقتاي ىلگەرىلەۋ بار. دەگەنمەن، ينفلياتسيا دا ءبىر ورىندا تۇرعان جوق. قازىر بۇل كورسەتكىش 14,5 پايىزعا جەتىپ، 2015 -جىلعى دەڭگەيدەن اسىپ ءتۇستى»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، حالىقارالىق ينستيتۋتتار قازاقستاننىڭ ىشكى جالپى ءونىمى بيىل 2 پايىزعا عانا وسەدى دەپ بولجاپ وتىر.
«بۇعان دەيىن ولار 3,7 پايىز بولاتىنىن ايتقان ەدى. بۇل ۇكىمەت جۇمىسىنىڭ ناقتى كورسەتكىشى بولىپ تابىلادى»، - دەپ اتاپ ءوتتى قاسىم-جومارت توقايەۆ.
قازىرگى ۋاقىتتا ۇكىمەت باسشىسى ءاليحان سمايىلوۆ ەلىمىزدىڭ الەۋمەتتىك-ەكونوميكالىق دامۋى قورىتىندىلارىن بايانداپ جاتىر. ودان كەيىن ۇلتتىق بانك ءتوراعاسى عالىمجان ءپىرماتوۆ اقشا- نەسيە ساياساتى ماسەلەلەرىنە توقتالادى.
