18:36, 04 - شىلدە 2015 | GMT +6
قازاقستان بارىسى-2015: فينالعا ب.ىستىبايەۆ پەن ر. ءابدىرازاقوۆ شىقتى
استانا. قازاقپارات - استاناداعى «سارى ارقا» ۆەلوترەگىندە ءوتىپ جاتقان ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» V رەسپۋبليكالىق تۋرنيرىنە فينالعا شىققان قوس پالۋان انىقتالدى.
ولار - رۋسلان ءابدىرازاقوۆ پەن بەيبىت ىستىبايەۆ.
جارتىلاي فينالدا الدىمەن رۋسلان ءابدىرازاقوۆ پەن جۇمانازار ەرسۇلتانوۆ بەلدەسىپ، قىزىلوردالىق رۋسلان ءابدىرازاقوۆ سوڭعى سەكۋندتاردا جەڭىستى قولدان جۇلىپ العان. ال عاني سەيدىلدايەۆ پەن بەيبىت ىستىبايەۆ اراسىنداعى جەكپە-جەكتە بەيبىت ىستىبايەۆ تازا جەڭىسپەن باسىمدىق تانىتتى.
ايتۋلى دودانى ق ر پرەزيدەنتى نۇرسۇلتان نازاربايەۆ تاماشالاۋدا. بۇل تۋرنيردى قازاقستاننىڭ ۇلتتىق ارناسى مەن «Kazsport»، سونداي-اق تۇركيانىڭ «ت ر ت» ارناسى جانە رەسەيدىڭ «بوەتس» ارناسى دا تىكەلەي يەفيردە تاراتۋدا.
اۆتور: قانات مامەتقازى ۇلى
