ەلباسى: 2015 - جىلعى سايلاۋ ءبىزدىڭ تۇتاس ۇلت بولىپ قالىپتاسقانىمىزدى كورسەتتى

 استانا. قازاقپارات - بۇل رەتكى سايلاۋ ءبىزدىڭ تۇتاس ۇلت بولىپ قالىپتاسقانىمىزدى كورسەتتى. بۇگىن مەملەكەت باسشىسى نۇرسۇلتان نازاربايەۆ «حابار» ارناسىنداعى «نازاربايەۆپەن ەڭ باستىلار جايلى.. .» اتتى دەرەكتى سۇحباتىندا وسىلاي ءمالىم ەتتى.

«حالىق وزىنە نە ۇسىنىلىپ وتىرعانىن جاقسى تۇسىنەدى، سوندىقتان دا مەن جاريالاعان باعدارلامانى قولداپ وتىر. سوڭعى سايلاۋعا ءبىراۋىزدان قاتىسۋى دا سونىڭ ايعاعى»، - دەي كەلە ەلباسى بۇل سايلاۋعا قاتىستى بارشا جۇرتشىلىققا ريزاشىلىعىن ءبىلدىردى.

«ەشقانداي بۇزۋشىلىق بۇل سايلاۋدا بولعان جوق، ا ق ش- تان باستاپ ءبارى مۇنى اتاپ ءوتتى. ا ق ش العاش رەت سايلاۋ ءۇشىن حالىقتىڭ كەزەككە تۇرعانىن مويىنداعان شىعار»، - دەدى ن. نازاربايەۆ.

سونىمەن قاتار، ەلباسى سوڭعى سايلاۋدىڭ ەلىمىز ءۇشىن ماڭىزدى بولعانىن اتاپ ءوتتى.

«ساياسات تانۋشىلار تۇسىنگەن شىعار، مەن ءوزىم العاش رەت بىزدە ۇلتتىڭ قالىپتاسقانىن سەزدىم. قانداي دىنگە، ەتنوسقا جاتاتىنىنا قاراماستان حالىق ءبىر ادامعا داۋىس بەردى. ءبارى تەڭ بولدى. ءبىز وسى ساياساتتى جالعاستىرۋعا ءتيىسپىز. وسىنى ءبارى، قازاق تا، ۋكراين، ورىس تا ءتۇسىنۋى شارت: ءبىز وسىنداي بىرلىكتىڭ ارقاسىندا عانا بىرتەكتى ۇلت بولا الامىز. قازاقشا ايتقاندا، ءبىز ۇلت بولا باستاعانىمىزدى وسى سايلاۋدا كورسەتتىك. وسى باعىتتا العا جىلجىساق، بۇل - كەرەمەت ماسەلە»، - دەدى ن. نازاربايەۆ.

اۆتور: قانات مامەتقازى ۇلى