قىزىلوردادا «سىر ساقشىلارى-2015» مەرەكەلىك ءىس-شاراسى ءوتتى - فوتو
مەرەكەلىك شارا بارىسىندا ىشكى ىستەر ءمينيسترى، پوليتسيا گەنەرال-پولكوۆنيگى قاسىموۆ قالمۇحانبەت نۇرمۇحانبەت ۇلىنىڭ مەرەكەلىك قۇتتىقتاۋ حاتى وقىلدى. مۇنان سوڭ ءسوز قىزىلوردا و ءى ءى د باستىعى پوليتسيا پولكوۆنيگى ج. سۇلەيمەنوۆكە بەرىلىپ، ماراپاتتاۋ بۇيرىعى تانىستىرىلدى.
«قازاقستان پوليتسياسى كۇنى» مەرەكەسىنە وراي، ق ر ىشكى ىستەر ءمينيسترىنىڭ بۇيرىعىمەن قىزمەتتىك مىندەتتەرىن ادال ورىنداعان 7 قىزمەتكەر ماراپاتتالدى. ونىڭ ىشىندە Ⅱ دارەجەلى «ىشكى ىستەر ورگاندارىنىڭ ۇزدىگى» توسبەلگىسىمەن، 2 قىزمەتكەر، «گراموتامەن»، «العىس حاتىمەن» ءبىر-ءبىر قىزمەتكەردەن ماراپاتتالسا، 3 قىزمەتكەرگە العىس جاريالاندى. ال، قىزىلوردا قالاسى ىشكى ىستەر باسقارماسىنىڭ پوليتسيا كاپيتانى ەسەناليەۆ ابايعا پوليتسيا مايورى شەنى بەرىلدى. شارا بارىسىندا قىزىلوردا و ءى ءى د باستىعى پوليتسيا پولكوۆنيگى ج. سۇلەيمەنوۆتىڭ بۇيرىعىمەن 235 قىزمەتكەر ماراپاتتالدى.
سونىمەن قاتار، مەرەكەلىك ءىس-شارا مەرەكە قارساڭىندا پوليتسيا قىزمەتكەرلەرىنە ارناپ ۇيىمداستىرىلعان سپورتتىق-مەرەكەلىك جارىستاردىڭ قورىتىندىسى جاريالانىپ، جەڭىمپازدار مەن جۇلدەگەرلەردى ماراپاتتاۋ ءراسىمى ءوتتى.
