مۋز- ت ۆ-2015. گراۆيتاتسيا راسىمىندە ن. نازاربايەۆقا «ءومىردى وركەندەتۋگە قوسقان ۇلەسى ءۇشىن» سىيلىعى تاپسىرىلدى
سىيلىقتى استانا اكىمى ادىلبەك جاقسىبەكوۆ، ك س ر و حالىق ءارتىسى يوسيف كوبزون جانە مۋز- ت ۆ تەلەارناسىنىڭ باس ديرەكتورى ارمان داۋلەتياروۆ تاپسىردى.
«مەن بۇل ساحناعا ءبىزدىڭ حالقىمىزدىڭ جانە جەكە ءوزىمنىڭ اتىمنان رەسەيلىك جانە قازاقستاندىق ەسترادا جۇلدىزدارىن قۇتتىقتاۋ ءۇشىن شىقتىم. قازاقستان مەن رەسەي اراسىنداعى وسىناۋ دوستىعىن جاراستىرىپ وتىرعاندارىڭىزعا العىس ايتامىن. ءبىز دوستىقتا، تاتۋ كورشىلەردەي تۇرىپ جاتىرمىز. بۇل بىزگە اللانىڭ بەرگەن تاتۋلىعى. رەسەيلىكتەر قازاقستانعا كەلىپ تۇرادى، سىزدەر دە وزدەرىڭدى ۇيدەگىدەي سەزىنەسىزدەر. قازاقستاندىقتار دا رەسەيگە بارعاندا ءوز ۇيىندە جۇرگەندەي سەزىنەدى. باتىرحان شۇكەنوۆكە دە كوڭىل بولگەندەرىڭىزگە ىرزامىن. مەن ونى ءوزىم دە قاتتى جاقسى كورگەم. راحمەت ۇلكەن!» - دەدى مەملەكەت باسشىسى.
«مۋز- ت ۆ سىيلىعى» - شوۋ-بيزنەستەگى ماڭىزدى، اۋقىمدى جانە بەدەلدى وقيعالاردىڭ ءبىرى. ونى 2003 -جىلدان «مۋز- ت ۆ» ارناسى ۇيىمداستىرىپ كەلەدى. جەڭىمپازدار كورەرمەندەردىڭ جانە اكادەميكتەردىڭ داۋىس بەرۋى ارقىلى انىقتالادى. «مۋز- ت ۆ» سىيلىعىن ماراپاتتاۋ شاراسىنا الەمدىك دەڭگەيدەگى جۇلدىزدار شاقىرتىلادى.
اۆتور: جاسۇلان جولدىبايەۆ
