بيىلعى «قازاقستان بارىسى-2015» تۋرنيرىنە قاتىساتىن پالۋاندار بەلگىلى بولدى - فوتو

استانا. قازاقپارات - قازاق كۇرەسىنەن «قازاقستان بارىسى-2015» تۋرنيرىنىڭ فينالدىق كەزەڭىنە قاتىساتىن 32 پالۋاننىڭ ەسىمى بەلگىلى بولدى. ولاردىڭ ىشىندەگى 13 پالۋان اتالعان دودادا العاش رەت باق سىناماق.

بۇل تۋرالى gemen.kz « «قازاقستان بارىسى» قازاق كۇرەسىن دامىتۋ قورىنىڭ باسپا ءسوز قىزمەتىنە سىلتەمە جاساپ حابارلادى. وسىعان وراي الماتى قالاسىندا باسپا ءسوز ءماسليحاتى ءوتتى. وعان «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى ارمان قىرىقپايەۆ، «استانا-ەكسپو-2017» ۇلتتىق كومپانياسى» اكتسيونەرلىك قوعامى باسقارما ءتوراعاسىنىڭ كەڭەسشىسى تاستانبەك ەسەنتايەۆ، قازاق كۇرەسى فەدەراتسياسىنىڭ پرەزيدەنتى، «قازاقستان بارىسى» قازاق كۇرەسىن دامىتۋ قورى قامقورلىق كەڭەسىنىڭ ءتوراعاسى ارمان شورايەۆ قاتىستى.

جيىن بارىسىندا بيىل 5- رەت وتەتىن تۋرنيردىڭ جۇلدە قورى 225000 ا ق ش دوللارىن قۇرايتىنى بەلگىلى بولدى. ونىڭ ىشىندە 35 مىڭ دوللار جاتتىقتىرۋشىلارعا تاعايىندالعان. 1-ورىن - 150 مىڭ ا ق ش دوللارى؛ 2-ورىن - 30 مىڭ ا ق ش دوللارى؛ 3-ورىن - 10 مىڭ ا ق ش دوللارى. 32 پالۋاننان بولەك، 2014-جىلعى «قازاقستان بارىسى» تۋرنيرىنىڭ جەڭىمپازى مۇحيت تۇرسىنوۆ بيىلعى سايىسقا ىرىكتەۋسىز قاتىساتىنى بەلگىلى.

دودانىڭ فينالدىق كەزەڭى 5- شىلدەدە استاناداعى «سارىارقا» رەسپۋبليكالىق ۆەلوترەگىندە وتەدى.

«قازاقستان بارىسى 2015» تۋرنيرىنىڭ شەشۋشى باسەكەسىنە قاتىساتىن پالۋاندار:

اقمولا وبلىسى: نۇرلان جامالوۆ، اسەت ءجۇنىسوۆ؛

اقتوبە وبلىسى: باقتىباي قيسىقوۆ، شىڭعىس شوقپۇتوۆ؛

الماتى وبلىسى: الەكساندر كاساچيەۆ، قازىبەك رامازانوۆ؛

اتىراۋ وبلىسى: تابيعات ماعاۋيا ۇلى، ناۋرىزبەك وتەۋوۆ؛

باتىس قازاقستان وبلىسى: ەرلان مۇساعاليەۆ، ولجاس سۇلەيمەنوۆ؛

جامبىل وبلىسى: ايبول ايتبەك، بەيبىت ىستىبايەۆ؛

قاراعاندى وبلىسى: ەرجان شىنكەيەۆ، اسىل بارمەنوۆ؛ 

قىزىلوردا وبلىسى: نۇرىم سالىمگەرەيەۆ، رۋسلان ءابدىرازاقوۆ؛

قوستاناي وبلىسى: ەرلان وماروۆ، ماكسيم گەربەر؛

ماڭعىستاۋ وبلىسى: نۇرداۋلەت جارىلعاپوۆ، مەيرامبەك جاڭاباي؛

وڭتۇستىك قازاقستان وبلىسى: جۇمانازار ەرسۇلتانوۆ، نۇرسۇلتان مىڭعىشوۆ؛

پاۆلودار وبلىسى: ارمان ماحامبەتوۆ، الان تۇرىسوۆ؛

سولتۇستىك قازاقستان وبلىسى: رۇستەم جۇمايەۆ، تولەگەن جەتپىسبايەۆ؛

شىعىس قازاقستان وبلىسى: ايبەك نۇعىماروۆ، تالعات امىرەنوۆ؛

الماتى قالاسى: ماقسات قيقىموۆ، باقىت سماعۇلوۆ؛

استانا قالاسى: عاني سەيدىلدايەۆ، ايبات سەيتەن.