سايلاۋ-2015: كانديدات ت. سىزدىقوۆ ايماقتىق سايلاۋالدى شتابتارى جەتەكشىلەرىمەن سكايپ- كونفەرەنسيا وتكىزدى
كىرىسپە سوزىندە ت. سىزدىقوۆ ۇگىت- ناسيحات ناۋقانى جوعارى دارەجەدە جاريا جانە تەڭ مۇمكىندىكتەر جاعدايىندا وتكىزىلىپ وتىرعانىن جەتكىزدى.
«وسى سايلاۋ ناۋقانى ارقاسىندا ءبىز بۇقارا حالىقتىڭ نازارىن اۋدارىپ، سايلاۋالدى باعدارلامانىڭ نەگىزگى باسىمدىقتارى مەن قاعيدالارىن جەتكىزدىك»، - دەدى ت. سىزدىقوۆ.
«كانديداتتىڭ ۇگىت- ناسيحات پوەزى سەگىز ايماققا بارىپ، سايلاۋشىلارمەن 60 تان استام كەزدەسۋلەر وتكىزىلدى. ءبىز ءوزىمىزدىڭ كوممۋنيستىك تۇعىرنامامىز، ماركسيزم- لەنينيزم يدەيالارى، جالپى ادامزاتتىق قۇندىلىقتار - بەيبىتشىلىك، تۇراقتىلىق پەن توزىمدىلىك، ينتەرناتسيوناليزم مەن حالىقتاردىڭ دوستاستىعى تۋرالى اڭگىمە قوزعادىق. حالىقتار اراسىنداعى ءوزارا تۇسىنىستىك پەن ورتاق وركەندەۋ مەن بەيبىتشىلىك ءۇشىن بارلىق حالىقتاردىڭ ءوزارا ارەكەتتەستىككە تارتىلۋ قاجەتتىگى تۋرالى پىكىرتالاستار جۇرگىزدىك»، - دەدى تۇرعىن ىسقاق ۇلى.
سودان كەيىن وبلىستىق كوميتەت جەتەكشىلەرى جۇمىس ناتيجەلەرى جونىندە باياندادى. باتىس قازاقستان وبلىسى بويىنشا سايلاۋالدى شتابىنىڭ جەتەكشىسى س. يارلىگاسىموۆ ناسيحاتشىلاردىڭ 18 ەلدى مەكەندى ارالاپ، سايلاۋشىلارمەن كەزدەسۋ بارىسىندا كانديداتتىڭ باعدارلاماسى تۋرالى بايانداعانىن جەتكىزدى.
اتىراۋدا دا جۇمىس ءوز جالعاسىن تابۋدا. اتىراۋ وبلىسى بويىنشا سايلاۋالدى شتابىنىڭ جەتەكشىسى ە. داۋلەتقازييەۆ بايانداعانداي، ايماقتا جۇرگىزىلىپ وتىرعان جۇمىس جەمىستى. شتاب قىزمەتكەرلەرى اقكول، ماقات، اققىستاۋ، كولسارى اۋداندىق ورتالىقتاردا كەزدەسۋلەر وتكىزگەن.
«اقتوبەلىك سايلاۋالدى شتابىندا 5 سەنىمدى تۇلعا جانە 20 وبكوم بەلسەندىلەرى، بۇكىل وبلىس بويىنشا 120 ناسيحاتتاۋشى قىزمەت ەتىپ كەلەدى»، - دەدى ج. مولداشيەۆ.
«ماڭعىستاۋ وبلىستىق سايلاۋالدى شتابى اقتاۋ قالاسىنان باسقا ءۇش ەلدى مەكەندە - شەتپە، فورت شيەۆچەنكو، مۇنايشى قالالارىندا كەزدەسۋلەر وتكىزدى»، - دەپ باياندادى وبكوم جەتەكشىسى ر. ماحامبەتوۆا.
سايلاۋالدى شتابىنىڭ وڭتۇستىك قازاقستان وبلىسى بويىنشا جەتەكشىسى ن. قادىرقۇلوۆتىڭ ايتۋىنشا، وڭتۇستىك قازاقستان وبلىسىندا شالعاي جاتقان اۋداندار دا قامتىلدى. وسى ۋاقىتقا دەيىن 250-دەن استام كەزدەسۋلەر جانە 15000 عا جۋىق ادامدار قامتىلدى.
بەلسەندى جۇمىس قىزىلوردا جانە جامبىل وبلىستىق سايلاۋالدى شتابتارىمەن جۇرگىزىلۋدە، ولار وبلىس تۇرعىندارى مەن ەڭبەك ۇجىمدارىمەن 100 دەن استام كەزدەسۋلەر وتكىزدى.
رەسپۋبليكالىق شتاب جەتەكشىسى ا. قوڭىروۆ ەلدە 16 وبلىستىق جانە 1 رەسپۋبليكالىق سايلاۋالدى شتابى قىزمەت ەتىپ وتىرعانىن، كانديداتتىڭ 100 گە جۋىق سەنىمدى تۇلعالارىنىڭ تىركەلگەنىن، ۇگىت- ناسيحات جۇمىسىندا 15000 نان استام بەلسەندىلەر مەن ناسيحاتتاۋشىلار تارتىلعانىن باياندادى.
باسىلىمدار مەن ەلەكتروندى بۇقارالىق اقپارات قۇرالدارىندا، تەلەديدارعا كانديدات پەن ايماقتىق سايلاۋالدى شتابتارىنىڭ قىزمەتى تۋرالى مىڭنان استام اقپارات جاريالاندى.
«ءبىز «كازاحستانسكايا پراۆدا»، «ەگەمەن قازاقستان» گازەتتەرىمەن، «Bnews» سايتىمەن، «24kz» ، «حابار»، «قازاقپارات» اگەنتتىكتەرىمەن تىعىز ىنتىماقتاستىق ورناتتىق»، - دەدى ا. قوڭىروۆ.
ورىس جانە قازاق تىلدەرىندەگى سايلاۋالدى بەينەروليكتەرى ءتورت رەسۋبليكالىق «ك ت ك»، «حابار»، «31 كانال»، «قازاقستان» تەلەارنالارىندا كورسەتىلىپ كەلەدى.
قازىرگى كەزگە دەيىن بەينەجازبا 184 رەت كورسەتىلدى. «قازاق راديوسىندا» ەكى تىلدە ۇگىت- ناسيحات اۋديوجازباسى تاراتىلۋدا.
بۇكىل رەسپۋبليكادا، وبلىس ورتالىقتارىنداعى، اۋداندار مەن اۋىلدارداعى جارنامالىق
ورىنداردا 600000 سايلاۋالدى پلاكاتتارى ىلىنگەن. ءاربىر وبلىس ورتالىعىندا 80 بيلبورد ورناتىلعان.
سونىمەن بىرگە ت. سىزدىقوۆتىڭ بەلسەندىلەرى حالىقارالىق باقىلاۋشىلارمەن كەزدەسۋلەر وتكىزدى، ە ق ى ۇ وكىلدەرى بارلىق وبلىستىق سايلاۋالدى شتابتاردىڭ قىزمەتكەرلەرىمەن كەزدەستى.
رەسپۋبليكالىق شتابتا دا ە ق ى ۇ باسشىسىمەن جانە سايلاۋدى باقىلاۋ بويىنشا رەسپۋبليكالىق قوعامدىق كوميسسيانىڭ وكىلدەرىمەن كەزدەسۋلەر وتكىزىلدى. سايلاۋ ناۋقانى قانداي دا قۇقىق بۇزۋشىلىقسىز، ۇلتتىق زاڭناما مەن حالىقارالىق نورمالاردىڭ تالاپتارىنا سايكەس جۇزەگە اسىرىلىپ كەلەدى.
سونىمەن قاتار بۇگىن قازاقستان كوممۋنيستىك حالىق پارتياسى اتىنان قازاقستان رەسپۋبليكاسى پرەزيدەنتتىگىنە كانديدات ت. سىزدىقوۆ پەن جاس كوممۋنيستەر توبى قىزىل لەنتالارمەن اسەمدەلگەن كوگەرشىندەردى اسپانعا ۇشىردى. ولاردى ۇشۋى دۇنيەجۇزىندەگى بەيبىتشىلىكتى، تۇراقتىلىق پەن وركەندەۋدى، سونداي-اق كوممۋنيستىك يدەيالاردىڭ جاڭا بيىكتەرگە كوتەرىلۋىن سيپاتتايدى.
شارانىڭ 40 تان استام قاتىسۋشىلارى قۇستاردىڭ ۇشقانىن قىزىل جالاۋشالارمەن قارسى الدى.
اكسيا قاتىسۋشىلارىنىڭ الدىندا بايانداما جاساي كەلە، ت. سىزدىقوۆ بۇگىنگى كۇنى بەيبىتشىلىك پەن وركەندەۋ يدەيالارىن العا تارتۋ جاستارعا تۇسىنىكتى جانە ايقىن رامىزدەردىڭ قاجەت ەكەنىن جەتكىزدى.
«وسى كوگەرشىندەردىڭ ۇشۋى استارىندا تەك ايقىن جانە تۇسىنىكتى رامىزدەر مەن ماقساتتار ءبىزدىڭ جاستاردىڭ جاڭا كوكجيەكتەرگە جەتۋىن بىلدىرەتىن يدەيا جاتىر»، دەدى ول.
بەيبىتشىلىك قۇسى دەپ تانىلعان كوگەرشىن دۇنيەجۇزىنىڭ بارلىق جەرىندەگى ۇرپاقتاردىڭ وكىلدەرىنە تۇسىنىكتى ينتەرناتسيونالدىق ءرامىز بولىپ تابىلادى.
ول سونداي-اق: «ىزگىلىك، مەيىرباندىق جانە قوناقجايلىق - ءبىزدىڭ كورشىلەرمەن دوستىعىمىزدىڭ بەرىك نەگىزى. وسى قۇندىلىقتار ءبىزدىڭ جەرىمىزدە بىرلىك پەن وركەندەۋگە الىپ كەلەدى. ءبىزدىڭ مادەنيەتىمىزدىڭ ءبىرتۇتاستىعى مەن قايتالانباستىعى ينتەرناتسيوناليزم قاعيدالارىنا نەگىزدەلگەن»، - دەگەن ويىن جەتكىزدى.
«وسى سايلاۋ ناۋقانى ارقىلى كوممۋنيستەر وزدەرىنىڭ قاعيدالارى مەن ماركسيستىك- لەنيندىك ءىلىم نەگىزدەرىن جەتكىزە الدى. مەن سەگىز ايماقتا بولىپ، 15 قالاعا بارىپ، سايلاۋشىلارمەن 60 تان استام كەزدەسۋلەر وتكىزدىم»، - دەدى ت. سىزدىقوۆ اكتسيا قاتىسۋشىلارىنا.
قىزىل لەنتالار اسپاندا جەلبىرەگەن ساتتە، پارتيانىڭ جاس وكىلدەرى اتىنان ۆ. سميرنوۆ بايانداما جاسادى.
«اسپانداعى كوگەرشىندەر ءبىزدىڭ جاس سەرىكتەستەرىمىزدى جاڭا جەتىستىكتەرگە جىگەرلەندىرەدى. ءبىزدىڭ بىرلىگىمىز قاراپايىپ ءارى بارشاعا تۇسىنىكتى بەيبىتشىلىك پەن تۇراقتىلىق رامىزدەرى توڭىرەگىندە كۇشەيىپ كەلەدى. ءبىزدىڭ اكسيامىز ۇرپاقتار اراسىنداعى تىعىز بايلانىس پەن ۇلكەندەردى قۇرمەتتەۋ يدەياسىن سيپاتتايدى. وسىنداي ءوزارا تۇسىنۋشىلىكتىڭ ماڭىزىن اسىرا باعالاۋ مۇمكىن ەمەس. ءبىزدىڭ كانديدات وتباسىلىق قۇندىلىقتاردى قولداپ، باتىس مادەنيەتىنىڭ جاعىمسىز تۇستارىنا قارسى شىعۋدا جانە ءبىز ونى بارىنشا قولدايمىز. قكحپ ماركسيزم- لەنينيزم يدەيالارىن دامىتۋدى جالعاستىرۋدا جانە جاس كوممۋنيستەر ونىڭ تەك جاقسىسىن الۋدا، ولار ىزگىلىك، ينتەرناتسيوناليزم مەن وركەندەۋگە ۇمتىلىس. تەك حالىقتاردىڭ دوستاستىعى مەن بارلىق ەلدەردىڭ بەيبىت ديالوگى بەيبىتشىلىك پەن تۇراقتىلىقتىڭ پارمەندى قۇرالدارى بولىپ تابىلادى. ءبىزدىڭ نەگىزدەرىمىز قىزىل لەنتالارمەن كوركەمدەلگەن وسى كەرەمەت قۇستاردىڭ ۇشۋى سياقتى قاراپايىم ءارى تۇسىنىكتى»، - دەدى ۆ. سميرنوۆ.
ۇشىپ بارا جاتقان قۇستارعا باقىلاي وتىرىپ، شارانىڭ قاتىسۋشىلارى ولارعا قىزىل جالاۋشالارمەن قول بۇلعاپ، ينتەرناتسيونال گيمنىن ورىندادى.
