سايلاۋ-2015: كانديدات ت. سىزدىقوۆ استانادا رەسپۋبليكالىق سايلاۋالدى شتاب مۇشەلەرىمەن كەزدەستى
بۇگىن ق ك ح پ اتىنان پرەزيدەنتتىككە كانديدات ت. سىزدىقوۆ استانا قالاسىندا رەسپۋبليكالىق سايلاۋالدى شتابىنىڭ مۇشەلەرىمەن كەزدەسىپ، ۇگىت- ناسيحات ناۋقانىنىڭ بارىسى مەن ايماقتارداعى سايلاۋشىلارمەن كەزدەسۋ ناتيجەلەرىن تالقىلادى.
كەزدەسۋدىڭ باسىندا تۇرعىن ىسقاق ۇلى جالپى اتقارىلعان جۇمىسقا قاناعاتتانىپ وتىرعاندىعىن جەتكىزدى.
«ءبىز قازىرگى كەزدە ءوزىنىڭ وزەكتىلىگىن جوعالتپاعان ماركسيزم- لەنينيزم يدەيالارىنا نەگىزدەلگەن مەنىڭ سايلاۋالدى تۇعىرنامامدى جەتكىزە بىلدىك.
حالىقتاردىڭ بەيبىت ءومىر ءسۇرۋى، توزىمدىلىك، جاڭالىققا جانە وركەندەۋگە ۇمتىلىس - بۇل بىرىنشە ورىندا تۇرعان جالپى ادامدىق قۇندىلىقتار. ولاردى العا تارتۋ - جەر بەتىندەگى بەيبىتشىلىكتى قامتاماسىز ەتۋ جولى. ينتەرناتسيوناليزم مەن وتباسىلىق قۇندىلىقتاردىڭ ماڭىزدىعىن ءتۇسىنۋ مەملەكەتتىڭ ىلگەرى دامۋىنىڭ كەپىلى بولىپ كەلەدى.
جاس ۇرپاققا بالا كەزىنەن باستاپ، تاريحتان قالىپتاسقان توزىمدىلىكتى، شىدامدىلىقتى، ۇلكەندەردى قۇرمەتتەۋدى قامتاماسىز ەتۋ ءۇشىن جاۋاپكەرشىلىك سەزىمدەرىن ءسىڭىرۋ قاجەت.
«كوممۋنيستىك حالىقتىق پارتياسى قوعامدىق دامۋدىڭ ماتەريالدىق تەورياسىنا نەگىزدەلگەن فۋندامەنتالدى قاعيدالاردى ءوزىنىڭ قىزمەتىندە قاتاڭ باسشىلىققا الىپ كەلەدى»، - دەدى ول.
ت. سىزدىقوۆتىڭ پايىمىنشا، ونىڭ ق ك ح پ اتىنان پرەزيدەنتتىككە كانديدات رەتىندە سايلاۋ ناۋقانىنا قاتىسۋى حالىقتىڭ نازارىن باتىس مادەنيەتىنىڭ جاعىمسىز تۇستارىنا اۋدارۋعا مۇمكىندىك بەردى.
«باتىس قۇندىلىقتارى ادەتتە جالعان بولىپ كەلەدى جانە تەك ءوزىنىڭ جەكە قاجەتتىلىكتەرىن قاناعاتتاندىرۋدى عانا كوزدەيتىن تۇتىنۋشى- ادامدى قالىپتاستىرۋعا باعىتتالعان. بۇل اقشاعا تابىنۋشىلىقتى تۋدىرىپ، ادامداردىڭ جەڭىل تابىس الۋىنا جانە ادامگەرشىلىك قاعيدالارىنان باس تارتۋىنا يتەرمەلەيدى. باتىستىق تۇرمىس سالتى مەن مادەنيەتى تىعىرىققا تىرەلدى.
سونىمەن بىرگە، تۇرعىن ىسقاق ۇلى ايتقانداي، باتىستىق جويقىن مادەنيەتتى تاراتۋ كينەماتوگراف ونىمدەرى، كومپيۋتەرلىك ويىندار، عالامتوردىڭ الەۋمەتتىك جەلىلەرى، ادەبيەت جانە قوعامدىق تاماقتاندىرۋ سالالارى ارقىلى جۇزەگە اسىرىلادى.
اتاپ ايتقاندا ول: «باتىس مادەنيەتى تىعىرىققا بارا جاتىر جانە وعان زورلىق- زومبىلىقتى، باسسىزدىق پەن جەڭىل تابىسقا ۇمتىلىستى ناسيحاتتاۋ اسەرىن تيگىزۋدە»، - دەپ اتاپ ءوتى.
ءوز كەزەگىندە كانديداتتىڭ سايلاۋالدى شتابىنىڭ جەتەكشىسى ايقىن قوڭىروۆ: «كانديداتتى قولداۋ ۇگىت- ناسيحات كامپانياسىنىڭ جوسپارى جالپى تولىق كولەمدە ىسكە اسىرىلىپ كەلەدى. بارلىق جوسپارلانعان شارالار دەر كەزىندە اتقارىلدى.
وسى تۇرعىدا مەن ءبىزدىڭ شارالاردىڭ بۇقارالىق اقپارات قۇرالدارىندا، سولاردىڭ قاتارىندا رەسپۋبليكالىق تەلەارنالاردا كەڭىنەن سيپاتتالعانىن ايتقىم كەلەدى. ءبىز عالامتوردىڭ الەۋمەتتىك جەلىلەرىندە ساپالى جۇمىس جاسادىق جانە ول سايلاۋشىلاردىڭ باسىم بولىگىن تۇرعىن ىسقاق ۇلىنىڭ سايلاۋالدى تۇعىرناماسىمەن تانىستىرۋعا مۇمكىندىك بەردى»، - دەدى.
ا. قوڭىروۆ سونىمەن بىرگە رەسپۋبليكالىق سايلاۋالدى شتابىنىڭ قىزمەتىنە حالىقارالىق باقىلاۋشىلاردىڭ نازار اۋدارعانىن اتاپ ءوتتى.
«ءبىزدىڭ رەسپۋبليكالىق جانە ايماقتىق شتابتارىمىزعا ەقىۇ باقىلاۋشىلارى كەلىپ، ت. سىزدىقوۆ قولداۋشىلارىنىڭ اتقارىپ وتىرعان جۇمىسىمەن تانىستى.
ولار ءبىزدىڭ سايلاۋشىلارىمىزبەن كەزدەسۋىمىز سەكىلدى كەيبىر ءىس- شارالارىمىزعا قاتىستى. حالىقپەن جۇمىس جاساۋعا دەگەن ماقساتىمىز بەن اشىقتىعىمىزعا كۋا بولدى»، - دەدى ا. قونىروۆ.
