سايلاۋ-2015: كانديدات ت. سىزدىقوۆ شۋچينسك قالاسىنداعى جۇمىسشىلارىمەن كەزدەستى
بۇگىن ق ك ح پ ۇسىنعان پرەزيدەنتتىككە كانديدات تۇرعىن سىزدىقوۆ «ق ت ج ۇ ك» اق لوكوموتيۆ د ە پ و-سى جۇمىسشىلار ۇجىمىمەن كەزدەستى.
كەزدەسۋدى ايماقتىق شتابتىڭ جەتەكشىسى، اقمولا وبلىستىق كوميتەتتىڭ ءبىرىنشى حاتشىسى ب. د. ماجيتوۆ جۇرگىزدى.
كەزدەسۋ بارىسىندا كانديدات سىزدىقوۆ ءوزىنىڭ سايلاۋالدى تۇعىرناماسىنىڭ باستى باعىتتارىمەن تانىستىردى:
«قازاقستان كوممۋنيستىك حالىقتىق پارتياسى ماركسيزم- لەنينيزم عىلىمى مەن يدەيالارىنا جانە قوعامدىق دامۋدىڭ ماتەرياليستىك تەوريالارىنا سۇيەنىپ قىزمەت اتقارادى.
كەزدەسۋ كەزىندە كانديدات باتىستىق ستاندارتتار مەن تۇتىنۋشىلىق مادەنيەتتىڭ تەرىس ىقپالىنا توقتالىپ ءوتتى.
«باتىس مادەنيەتى - بۇل ۇلگى الارلىق قاعيدات ەمەس، ويتكەنى باتىستىق قۇندىلىقتار، شىندىعىنا كەلگەندە، جالعان.
تۇتىنۋشىلىققا دەگەن بەتبۇرىس جاستاردىڭ باعدارىن وزگەرتەدى. بۇل باتىستا دۇنيەقوڭىزدىق تۋعىزىپ، ماتەريالدىق قاجەتتىلىكتى قاناعاتتاندىرۋدى ءومىردىڭ ءمانى دەپ قاراستىراتىن قۇندىلىقتاردى قالىپتاستىرۋدا»، - دەپ باستادى ءوز ءسوزىن ق ر پرەزيدەنتتىگىنە كانديدات.
كانديدات ت. سىزدىقوۆتىڭ پىكىرىنشە، «بەيبىتشىلىك، ادامگەرشىلىك، ينتەرناتسيوناليزم - ادامزاتتىڭ بۇگىنگى دامۋ كەزەڭىندە باستى قۇندىلىقتارعا اينالۋدا.
جاسامپازدىق جانە تولەرانتتىلىق قۇندىلىقتارى دامۋ مەن پروگرەسستىڭ باستى جولدارى رەتىندە الەم ساحنالارىنان كوپتەپ ايتىلۋدا.
الەم ساياساتىنىڭ باستى ماقساتى بارلىق ەلدەردىڭ ادامزات ءۇشىن بەيبىتشىلىككە ىنتىماقتاسۋىن الدىڭعى قاتارعا قويىپ وتىر».
ت. سىزدىقوۆتىڭ ويىنشا، «ادامگەرشىلىك وركەنيەتتىڭ دامۋىنىڭ نەگىزى بولىپ تابىلادى.
جەر بەتىندەگى بەيبىتشىلىك پەن كەلىسىم ءبىزدىڭ وركەندەۋىمىزگە الىپ كەلدى. بۇل قۇندىلىقتاردى ءبىز ودان ءارى ەسەلەپ بولاشاق ۇرپاققا جەتكىزۋىمىز كەرەك.
جاقىنىڭا دەگەن سۇيىسپەنشىلىك - بۇل انامىزدىڭ سۇتىمەن بەرىلگەن حالقىمىزدىڭ ءداستۇرى.
تاريحي قوناقجايلىلىق، ءىلتيپاتتىلىق، جانۇيالىق قۇندىلىقتار مەن ۇلكەندەرگە دەگەن قۇرمەت ءبىزدى بۇكىل الەممەن بايلانىستىرۋعا مۇمكىندىك بەرەدى.
مۇنىڭ بارلىعى ءبىزدىڭ جەرىمىزدە قالىپتاسقان سەنىم مەن جاسامپازدىقتى مازمۇنعا تولتىرادى. سوندىقتان تۇراقتىلىق پەن وركەندەۋ ودان ءارى تەرەڭ ماعىناعا جانە مازمۇنعا يە بولادى.
سوعىس پەن حاوستى بىلمەيتىن قاستەرلى جەردى نەگىزگە الا وتىرىپ ادامدار ەرتەڭگى كۇنگە سەنىممەن قارايدى».
وسى سەبەپتەن ادامگەرشىلىك، توللەرانتتىلىق، ينتەرناتسيوليزم ءبىزدىڭ باستى باعىتىمىز بولىپ قالا بەرمەك.
ءوز كەزەگىندە وبلىستىق سايلاۋالدى شتابتىڭ جەتەكشىسى ب. ماجيتوۆ، رەسپۋبليكالىق جانە وبلىستىق سايلاۋالدى شتابتاردىڭ بەلسەندى ناسيحات جۇمىستارىن جۇرگىزىپ جاتقاندىعىن اتاپ ءوتتى.
كۇن سايىن سايلاۋشىلارمەن كەزدەسۋلەر، تانىتۋ شارالارى وتكىزىلىپ، بۇل شارالار رەسپۋبليكالىق جانە ايماقتىق باسپا مەن ەلەكتروندىق ب ا ق- تا كورىنىس تابۋدا.
ب. ماجيتوۆ اتاپ وتكەندەي، «ءبىزدىڭ شتابتا 5 سەنىمدى تۇلعا جانە جيىرماعا جۋىق وبلىستىق كوميتەتتىڭ قىزمەتكەرلەرى ناسيحات ماتەريالدارىن تاراتۋ جانە حالىقپەن كەزدەسۋدى ۇيىمداستىرۋ، سايلاۋشىلاردىڭ پاتەرلەرىن ارالاۋ جۇمىستارىن اتقارۋدا».
سونىمەن قاتار، سايلاۋالدى جۇمىستا ءبىزدىڭ «كوممۋنيست كازاحستانا» گازەتىمىز، پارتيانىڭ سايتى جانە الەۋمەتتىك جەلىلەر، ينتەرنەت سياقتى وزگە دە قازىرگى زامان بايلانىس قۇرالدارى كەڭ قولدانىلۋدا».
