سايلاۋ-2015: كانديدات ت. سىزدىقوۆ اقكول قالاسى تۇرعىندارىمەن كەزدەستى
كەزدەسۋ بارىسىندا ت. سىزدىقوۆ پارتيانىڭ جۇمىسىنا جانە ءوزىنىڭ سايلاۋالدى تۇعىرناماسىنىڭ باستى قاعيداتتارىنا توقتالىپ ءوتتى.
بۇگىنگى كۇنى جالپى ادامدىق قۇندىلىقتاردىڭ قاتارىندا ءبىرىنشى كەزەكتە دۇنيە جۇزىندەگى بەيبىتشىلىكتىڭ كەپىلى بولىپ كەلەتىن حالىقتاردىڭ بەيبىت ءومىر ءسۇرۋى جانە ينتەرناتسيوناليزم ەكەندىگىن تايسالماي ايتۋعا بولادى، دەدى ت. سىزدىقوۆ.
الەمنىڭ بارشا حالقى تۇراقتىلىق پەن وركەندەۋدى ساقتاۋ ماڭىزدىلىعىن ءتۇسىنىپ كەلەدى، ال ول ءۇشىن شىدامدىلىق پەن توزىمدىلىك يدەيالارىن العا تارتۋ قاجەت.
جەر جۇزىندەگى بەيبىتشىلىككە جەتۋدىڭ جالعىز جولى - بارلىق مەملەكەتتەردىڭ بەيبىت ءوزارا ارەكەتتەستىگى ەكەندىگى كۇدىك تۋدىرمايدى.
وسى جەردە ىزگىلىك پەن ادامگەرشىلىك يدەيالارى ءبىرىنشى ورىنعا شىعاتىنى ءسوزسىز.
قازىر بىزدەر بەيبىت ءومىر سۇرۋدەمىز، بۇل ءبىزدىڭ تاريحي قوناقجايلىعىمىزعا، مەيىرباندىعىمىزعا جانە ىزگىلىگىمىزگە بايلانىستى بولىپ تابىلادى. بۇل ءبىزدىڭ ءداستۇرىمىز.
بۇل جەردە ماڭىزدى ءرول جاستارعا ارنالعان، ولار ءوز بويىنا تەك ەڭ جاقسىسىن سىڭىرە وتىرىپ، اسەمدىلىكتى تاني باستايدى. جاستارعا وتباسىلىق قۇندىلىقتاردى، بولاشاققا ۇمتىلىستى جانە جەكە ادامي قۇندىلىقتاردى دامىتۋدى ءسىڭىرۋ قاجەت.
«كوممۋنيستىك حالىق پارتياسى قىزمەتىنىڭ نەگىزىندە - تۇتاس، ءبىر ءىزدى عىلىمي دۇنيەتانىمعا سۇيەنگەن ماركسيزم- لەنينيزم يدەيالارى جاتىر.
ماتەرياليزم، ەكونوميكالىق ءىلىم جانە عىلىمي كوممۋنيزم تەورياسى ماركسيزمدى قۇراۋشى باستى بولىمدەر.
ماركسيزم عىلىمدى دامىتۋداعى جاڭاشىلدىقتار مەن جاڭا مالىمەتتەردى تاراتۋ نەگىزىندە ۇزدىكسىز دامىپ، جەتىلىپ وتىراتىن شىعارماشىلىق ءبىلىم بولىپ تابىلادى» - دەدى ت. سىزدىقوۆ.
مۇنداي قوعامدا ءومىر سۇرەتىن ادامدارىڭ ومىرلىك قاعيداتتارى - جالقاۋلىق جانە ماتەريالدىق اشكوزدىك، تولىق مورالدىك جاۋاپسىزدىق.
باتىستىق جاۋاپسىز ءومىر ستاندارتتارى عاسىرلار بويى قالىپتاسىپ، تارتىپكە اينالعان ادامگەرشىلىك قاسيەتتەرىن كولەڭكەگە ىسىرىپ بارادى.
باتىستىڭ ىقپالىمەن كورسەقىزارلىققا، قاناعاتسىزدىققا، ەڭبەكسىز قارىن تويدىرۋعا ۇيرەتەتىن تاربيە العاندار كەز كەلگەن تەرىس ارەكەتكە دايىن تۇرادى.
باتىستىق جات مادەنيەتتىڭ بايانداۋىمەن جەڭىل جەتىستىككە جەتكەندەردى ەشبىر مورالدىك قۇندىلىقتار مەن تاربيە تۋرا جولعا قايتا تۇسىرە المايدى.
باتىس ادامي قۇندىلىقتار داعدارىسىن باستان كەشىپ وتىر. قوعام ساناسىن تۇتىنۋشىلىق ستاندارتتار، رۋحاني جۇتاڭدىق، زورلىق- زومبىلىققا نەگىزدەلگەن يدەيالار بيلەپ العان.
توزىمدىلىك، مەيىرىمدىلىك، ۇلكەنگە قۇرمەت، وتباسىلىق ونەگە، ءداستۇر، ادامگەرشىلىك سىندى قاراپايىم ادامي قاسيەتتەر مۇلدە بوتەن بولىپ بارادى. بۇگىندە سول باتىستىڭ جاستارى تەز ءارى زياندى تاماقتانۋدىڭ، فاست- فۋدتىڭ قۇربانىنا اينالىپ جاتىر، پلانشەت پەن تەلەفونعا تەلمىرىپ، بار ۋاقىتىن الەۋمەتتىك جەلىلەردە، ينتەرنەتتە وتكىزەدى. مۇنداي ءومىر سالتى تۇبىندە دەنساۋلىق پەن ادامگەرشىلىك قاسيەتتەردەن ايىرىپ، جالپى ادام ءومىرىن ءمانسىز ەتەدى. شىنايى ومىردەن قاشامىن دەپ، ەسىرتكى مەن باسقا دا پسيحوتروپتىق تاۋەلدىلىككە تاپ بولىپ جاتقاندار قانشاما.
الايدا، بۋرگەرلەردىڭ ءوزى جارتى ءىس قانا. فاست فۋدپەن قاتار تۇتىنۋشىلاردىڭ دەنساۋلىعىنا ءتۇرلى گازدالعان سۋسىندار دا كەرى اسەرىن تيگىزۋدە. كەيبىر سۋسىنداردىڭ قۇرامى مەندەلەيەۆ كەستەسىن ەلەستەتىپ، ادامنىڭ اس قورىتۋ جۇيەسىندە كەرى حيميالىق اسەر بەرەتىندىگىن ديەتولوگ- عالىمدار دالەلدەپ وتىر.
